Euskal Herriko Agintaritzaren Aldizkaria

215. zk., 2013ko azaroaren 12a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA

4893

IRAGARKIA, Osakidetza-Euskal osasun zerbitzuarena, «Dibulgazioko argitalpena sortu eta zabaltzea, euskarazko hizkuntza sanitarioa hedatu eta sendotzeko Osakidetzaren barruan» deritzon espedienteari dagokion lizitazio-prozedura irekiari buruzkoa.

1.– Erakunde esleitzailea.

a) Erakundea: Osakidetza-Euskal osasun zerbitzua, Osasun eta Kontsumo Sailari atxikitako Ente Publikoa, Erakunde Zentrala, Araba kalea 45; 01006, Vitoria-Gasteiz (Araba).

b) Espedientea izapidetzen duen bulegoa: Erakunde Zentrala –Kontratazio Zerbitzua–.

c) Espedientearen zenbakia: G/211/20/1/1099/OSC1/0000/102013.

2.– Kontratuaren ezaugarriak.

a) Kontratu-mota: zerbitzuak.

b) Xedearen deskribapena: dibulgazioko argitalpena sortu eta zabaltzea, euskarazko hizkuntza sanitarioa hedatu eta sendotzeko Osakidetzaren barruan.

c) Loteak eta kopurua: ez.

3.– Izapideak, prozedura eta esleitzeko era.

a) Izapidetzea: ohikoa.

b) Prozedura: irekia.

4.– Lizitaziorako oinarrizko aurrekontua: 81.000 euro (BEZik gabe). Kontratuaren balio estimatua: 162.000 euro (BEZik gabe).

5.– Behin betiko bermea: bai (% 5).

6.– Agiriak eta argibideak jasotzeko tokia: Erakunde Zentrala, Araba kalea 45; 01006 Vitoria-Gasteiz (Araba).

7.– Kontratistaren berariazko eskakizunak.

a) Sailkapena: ez da behar.

b) Bestelako betekizunak kaudimen ekonomiko eta finantzarioari eta kaudimen tekniko eta profesionalari dagokienez: ikus oinarriak.

8.– Eskaintzak edo parte hartzeko eskabideak aurkezteko era.

a) Aurkezteko azken eguna: 2013ko azaroaren 27a, 14:00ak.

b) Aurkeztu beharreko dokumentazioa: klausula administratibo partikularren pleguan eskatzen dena.

c) Aurkezteko tokia: ikus 1.a) puntua.

d) Lizitatzaileak zenbat denboran eutsi behar dion bere eskaintzari: 2 hilabetez, proposamen ekonomikoak irekitzen direnetik aurrera.

e) Aldaerak onartzea: ez.

9.– Eskaintzak baloratzeko irizpideak, Klausula Administratibo Partikularren Pleguko Karatulan ezarritakoaren arabera:

a) Formuletan oinarritutako irizpideak: % 50.

– Prezioa: 50 puntu.

b) Balio-judizioetan oinarritutako irizpideak: % 50.

– Sormena, originaltasuna, modernitatea eta kostu gehigarririk gabe proposatutako hobekuntzak: 10 puntu.

– Kalitatea eta fase guztiak osatu eta irakurlearengana iritsi bitartean aurrera eraman beharreko prozesu guztien egokitasuna bermatzen duten teknologiak erabiltzea eta ezaugarri teknikoak betetzea: 10 puntu.

– Proposamena euskarazko hizkuntza sanitarioa zabaldu eta sendotzeko helburura egokitzea. Proposamenaren oinarrietan zehaztutako edukira, luzerara eta argitalpen-maiztasunera ere egokitzea: 15 puntu.

– Erakunde publikoekin antzeko proiektuetan lan egiteko eskarmentua eta bateragarritasuna (kontratatutako enpresak kontratugileak ezarritako behar eta lehentasunetara egokitzeko ahalmena izan behar du): 15 puntu.

10.– Eskaintzak irekitzea.

a) Eskaintzak irekitzea, balio-judizioa egiteari lotutako irizpideei dagokienez: Erakunde Zentrala.

Helbidea: Araba kalea 45; 01006 Vitoria-Gasteiz (Araba).

Eguna: 2013ko abenduaren 4a, 11:00ak.

b) Eskaintza ekonomikoa irekitzea: Erakunde Zentrala.

Helbidea: Araba kalea 45; 01006 Vitoria-Gasteiz (Araba).

Eguna: 2013ko abenduaren 18a, 11:15ak.

11.– Bestelako argibideak: ez.

12.– Iragarkien gastuak: esleipendunak ordainduko ditu (447,99 euro).

13.– Hala badagokio, deialdiari buruzko informazioa aurkitzeko edo pleguak jasotzeko atari informatikoa edo web orria: www.osakidetza.euskadi.net

Vitoria-Gasteiz, 2013ko urriaren 30a.

Kontratazio-mahaiko ordezko presidentea,

ENEKO ZARRAOA GARMENDIA.

Azterketa dokumentala