Euskal Herriko Agintaritzaren Aldizkaria

193. zk., 2013ko urriaren 9a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GETXOKO LEHEN AUZIALDIKO ETA INSTRUKZIOKO 6 ZENBAKIKO EPAITEGIA

4284

EDIKTUA, norbere irudi-eskubidearen babesaren gaineko 46/07 prozedura arruntaren ondoriozkoa.

Getxoko Lehen Auzialdiko eta Instrukzioko 6 zenbakiko ZLUP.

Judizioa: 467/07 prozedura arrunta.

Demandatzailea: Miriam Ureta Garcia.

Abokatua.

Prokuradorea: Carnicero.

Demandatua: XXXXX XXXXXX XXXXX, Ander Ermua Paris eta Andreu Vich Sbert.

Gaia: irudi-eskubidearen babesa.

Judizio horretan, 2010eko azaroaren 9an epaia eman zen, eta bere epaitza honako hau da:

EPAITZA

Baietsi egiten dut prokuradore Carnicerok –Miriam Ureta Garcíaren ordez eta izenean– XXXXX XXXXXX XXXXX, Ander Ermua Paris eta Andreu Vich Sbert andre-jaunen aurka aurkeztutako demanda, eta absolbitu egiten ditut demanda-uzietatik.

Sortutako kostuak auzi-jartzaileari ezartzen zaizkio.

Jakinarazi ebazpen hau Ministerio Fiskalari eta pertsonatu diren alderdiei.

Aurkaratzeko modua: apelazio-errekurtsoa, Bizkaiko Probintzia Auzitegian (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan bost egun balioduneko epean, ebazpen hau jakinarazi eta biharamunetik aurrera. Idazki horretan, bestalde, hauek adieraziko dira: apelatutako ebazpena, errekurritzeko nahia eta zein erabaki aurkaratzen den (PZLb, 457.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da, epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa prestatzerakoan, diru-zenbateko hori zainpean jarri dela egiaztatu beharko da (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Andreu Vich Sbert demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian eta epaitegi honetako iragarki-oholean ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, auzi-ihesean den demandatuak apelazio-errekurtsoa aurkez dezake.

Interesdunak eskura du jakinarazten den ebazpenaren testu osoa, auzitegi honetako bulego judizialean.

Getxo (Bizkaia), 2013ko ekainaren 28a.

IDAZKARI JUDIZIALA.

Azterketa dokumentala