Euskal Herriko Agintaritzaren Aldizkaria

65. zk., 2012ko martxoaren 29a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BIZKAIKO PROBINTZIA AUZITEGIA

1522

EDIKTUA, apelazio-errekurtso arruntari buruzko 274/11 prozedura arruntaren ondoriozkoa.

Bizkaiko Probintzia Auzitegia - 3. Sekzioa.

Errekurtsoa: 274/11 apelazioa, prozedura arrunta.

Errekurtsogilea: Ana Maria Amesti Mendizabal, Jose Ignacio Amesti Mendizabal, Juan Antonio Amesti Mendizabal, Los Espinos 28-A Oriñon urbanizazioko jabekideen komunitatea, Los Espinos n. 28-B Oriñon urbanizazioko jabekideen komunitatea eta Eduardo Ezquerra Muñoz.

Abokatua: Alberto Urrutia Irazabal, Alberto Urrutia Irazabal, Alberto Urrutia Irazabal, Iñigo Monge Gonzalez, Iñigo Monge Gonzalez eta Jose Antonio Loidi Alcaraz.

Prokuradorea: Paula Basterreche Arcocha, Paula Basterreche Arcocha, Paula Basterreche Arcocha, Oscar Hernandez Casado, Oscar Hernandez Casado eta Maria Teresa Bajo Auz.

Alderdi errekurritua: Esmeralda Amesti Mendizabal, Maria Christi Amesti Mendizabal eta Construcciones Juan Manuel Zabala SA.

Gaia: eraikuntzako akatsak erreklamatzea.

Judizio horretan epaia eman da, eta honakoa da epaitza:

«Ana Maria Amesti Mendizabal, Jose Ignacio Amesti Mendizabal, Juan Antonio Amesti Mendizabal eta Eduardo Ezquerra Muñozen prozesuko ordezkaritzek aurkeztutako apelazio-errekurtsoak baiesten dira, eta Los Espinos 28-A Oriñon urbanizazioko jabekideen komunitatearen eta Los Espinos 28-B Oriñon urbanizazioko jabekideen komunitatearen prozesuko ordezkaritzek aurkeztutako apelazio-errekurtsoa ezesten da; 1153/07 prozedura arruntean, Barakaldoko Lehen Auzialdiko 1 zenbakiko Epaitegiak 2011ko martxoaren 14an emandako epaiaren aurka aurkeztu ziren apelazio-errekurtso biak. Horrenbestez, partez baliogabetzen dugu errekurritutako ebazpena, eta demandako eskakizunetatik absolbitzen ditugu profesional errekurtsogileak; kostuak, berriz, ez dira bi instantzietako batean ere ezartzen, eta, errekurritu ahal izateko, apelatzaileek eratutako gordailua itzultzen zaie errekurtsoa baietsi zaienei, eta, errekurtsoa ezetsi zaienei, aldiz, ez.

Aurkaratzeko modua: ebazpen honen aurka kasazio-errekurtsoa aurkez daiteke Auzitegi Goreneko Arlo Zibileko Salan. Errekurtsoa jartzeko, idazkia aurkeztu behar da epaitegi honetan, ediktu hau jakinarazi eta biharamunetik hogei egun balioduneko epean (PZL, 477. eta 479. artikuluak).

Prozesuko arau-haustea dela-eta ezohiko errekurtsoa ere jarri ahal izango da PZLb-n aurreikusitako arrazoiren batengatik, Auzitegi Goreneko Arlo Zibileko Salan. Errekurtso hori idatziz aurkeztu beharko da, epaitegi honetan, jakinarazpena egin eta ondoko hogei eguneko epean (PZLb, 470.1 artikulua eta azken xedapenetatik hamaseigarrena).

Errekurtsoak aurkezteko beharrezkoa izango da 50 euro uztea gordailuan, baldin eta kasazio-errekurtsoa bada; eta 50 euro, arau-hauste prozesalengatiko ezohiko errekurtsoa bada. Baldintza horiek bete ezean ez zaizkio izapideak egingo. Gordailua egiteko, epaitegi honek Banesto taldean (Banco Español de Crédito) duen gordailuan eta zainpean uzteko kontuan (4703 0000 00 027411) kontsignatu beharko da zenbateko hori. Bi errekurtsoak erabiliz gero, errekurtsogileak bi ezarpen-eragiketa egin beharko ditu, eta diru-sarreraren ordezkagirian «Errekurtsoa» 06 kodea azalpena adieraziko da kasazio-errekurtsorako, eta 04 kodea prozesuko arau-hausteko errekurtso berezirako. Errekurtsoak jartzerakoan kontsignazioa egiaztatu beharko da (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Ebazpena irmoa denean autoak jatorrizko epaitegira bidaliko dira, ebazpen honen hitzez hitzezko ziurtagiriarekin, horren berri izan eta betearaz dezaten.

Gure epaia hori denez, erabaki, agindu eta sinatu egiten dugu. Epaiaren ziurtagiria dagokion erroiluari erantsiko zaio».

Maria Christi Amesti Mendizabal eta Esmeralda Amesti Mendizabal demandatuen egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2012ko otsailaren 15a.

IDAZKARI JUDIZIALA.

Azterketa dokumentala