Euskal Herriko Agintaritzaren Aldizkaria

222. zk., 2010eko azaroaren 18a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Ingurumen, Lurralde Plangintza, Nekazaritza eta Arrantza Saila

5459

AGINDUA, 2010eko irailaren 30ekoa, Ingurumen, Lurralde Plangintza, Nekazaritza eta Arrantzako sailburuarena. Honen bidez, Euskal Autonomia Erkidegoaren eremuan nekazaritzarako eta abeltzaintzarako «ordainketa bakarreko» erkidegoko laguntzen jardunbidea eta bestelako zuzeneko laguntzen jardunbidea garatu eta aplikatzen duen urtarrilaren 20ko 13/2009 Dekretuan araututako laguntzak 2010eko kanpainerako egokitzeko eta deialdia egiteko 2010eko martxoaren 23ko Agindua aldatzen da.

Ingurumen, Lurralde Plangintza, Nekazaritza eta Arrantza sailburuaren 2010eko martxoaren 23ko Aginduaren bidez (2010eko apirilaren 29ko 78 zenbakiko EHAA), urtarrilaren 20ko 13/2009 Dekretuan araututako ordainketa bakarreko diru laguntzak eta nekazaritza eta abeltzaintzarako bestelako zuzeneko laguntza komunitarioak 2010eko kanpainari egokitzeko neurriak eta aurkezpen epeak ezarri ziren.

Agindu horretan, 2010eko kanpainerako indargabetuta geratzen ziren laguntzetara, proteaginosoentzako sari espezifikoa batu zen. Halaber, Kontseiluaren urtarrilaren 19ko 73/2009 Arautegiaren (EE) 68. artikuluan ezarritakoa betetzeko, tabakoa sustatzeko laguntza indargabetu zen.

Kontuan izanda laguntza biak aplikatu beharrekoak direla araudi komunitarioan eta estatuko oinarrizko araudian ezarritakoaren arabera, eta akatsaren zioz ez dela sartu 2010eko martxoaren 23ko Aginduan, agindu honen bidez 2010ko martxoaren 23ko Agindua aldatuko da akatsak zuzentzeko. Horren ondorioz, hauxe

XEDATZEN DUT:

1. artikulua.- Proteaginosentzako prima espezifikoa.

2010eko martxoaren 23ko Aginduaren 3.2. artikulua honelkaxe geratuko da:

«2.- Goragokoaren ondorioz, 2010eko kanpainan urtarrilaren 20ko 13/2009 Dekretuaren ondoko artikuluetan xedatutako laguntzak indargabetuko dira:

- Belarki-laboreak ekoizten dituztenentzat ordainketa egokituak (25. artikulutik 31. artikulua arte, biak barne eta 33.etik 36.era, biak barne), proteaginosoentzako saria izan ezik (32. artikulua), 2010eko kanpainan aplikatuko baita;

- Labore energetikoentzako laguntza (37. artikulua);

- Olibadiarentzako laguntza (42. artikulutik 45.era, biak barne); eta

- Ardi- eta ahuntz-abereen ekoizleentzako ordainketa egokituak (74. artikulutik 78.era, biak barne).»

2. artikulua.- Tabakoaren kalitatea sustatzeko programa.

2010eko martxoaren 23ko Aginduari 7 bis artikulua gehintzen zaio, eta honelaxe geratuko da:

«7 bis artikulua.- Tabako sektorean, kalitatezko produkzioa suatatzeko laguntza.

Kontseiluaren urtarrilaren 19ko 73/2009 Arautegiaren (EE) 68.1 a) ii) artikuluan xedatutakoarekin bat etorrita, urtarrilaren 29ko 66/2010 Errege Dekretuak ezarritako Tabakoaren Kalitatea Sustatzeko Programaren arabera, laguntza espazifikoa emango zaie urtarrilaren 29ko 66/2010 Errege Dekretuaren 75.etik 82.era, biak barne, xedatutakoarekin bat eginda tabako gordina ekoizten duten nekazariei».

3. artikulua.- Eskariaren presuntzioa.

Nekazariek 2010eko kanpainarako labore adierazpenera proteaginoso eta tabako laborerako azalerak batu dituztenean, labore horietarako laguntzak eskatu direlakoan egongo gara, idatzi eskatu ez badute ere.

AZKEN XEDAPENA

Agindu hau Euskal Herriko Agintaritzaren Aldizkarian argitaratu eta hurrengo egunean sartuko da indarrean. Aurrekoa gorabehera, dekretu hau 2010eko kanpaina hasten denetik aurrera izango da aplikagarri, atzeraeragineko ondorioekin.

Vitoria-Gasteiz, 2010eko irailaren 30a.

Ingurumen, Lurralde Plangintza,

Nekazaritza eta Arrantzako sailburua,

MARÍA DEL PILAR UNZALU PÉREZ DE EULATE.