Euskal Herriko Agintaritzaren Aldizkaria

184. zk., 2014ko irailaren 29a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN ETA LEHIAKORTASUN SAILA

4006

EBAZPENA, 2014ko abuztuaren 22koa, Nekazaritza eta Abeltzaintzako zuzendariarena, 289, 290, 291, 292 eta 293 zenbakidun ikastaroetako ikasleei produktu fitosanitarioak aplikatzeko maila kualifikatuko txartelak emateko baimena ematen duena.

GERTAKARIAK

Lehenengoa.– Arkaute eta Fraisoro nekazaritza-eskolek eta Murgiako BHI Bigarren Hezkuntzako Institutuak honako ikastaro hauek eman dituzte:

– 289 zenbakidun ikastaroa, Arkaute Nekazaritza Eskolan emana, produktu fitosanitarioei buruzkoa, maila kualifikatukoa, C motako txartela lortzeko eskubidea ematen duena. Honako ikasketa hauetako ikasleei zuzendu zaie ikastaroa: Nekazaritza eta abere hazkuntzako enpresen kudeaketa eta antolamendua, Lorazaintza eta loradenda, Paisajismoa eta landa-ingurunea, eta Nekazaritza ekologikoa.

– 290 zenbakidun ikastaroa, Arkaute Nekazaritza Eskolan emana, «Kontrol fitosanitarioko metodoen aplikazioa landare, lurzoru eta instalazioetan» (Lanbide), maila kualifikatukoa, C motako txartela lortzeko eskubidea ematen duena.

– 291 zenbakidun ikastaroa, Arkaute Nekazaritza Eskolan emana, Arabako Errioxako nekazarientzat (produktu fitosanitarioak), maila kualifikatukoa, C motako txartela lortzeko eskubidea ematen duena.

– 292 zenbakidun ikastaroa, Murgiako BHIan emana, maila kualifikatukoa, C motako txartela lortzeko eskubidea ematen duena, heziketa arautuko ikastaroen homologazioa, «Baso-lanak eta natura-ingurunearen zaintza» erdi mailako prestakuntza-zikloko ikasketak, eta «natura- eta paisaia-baliabideen kudeaketa eta antolamendua» goi-mailako prestakuntza-zikloko ikasketak.

– 293 zenbakidun ikastaroa, Fraisoro Nekazaritza Eskolan emana, produktu fitosanitarioei buruzkoa, maila kualifikatukoa, C motako txartela lortzeko eskubidea ematen duena. Honako ikasketa hauetako ikasleei zuzendu zaie ikastaroa: Nekazaritza eta abere hazkuntzako enpresen kudeaketa eta antolamendua, Lorazaintza eta loradenda, Paisajismoa eta landa-ingurunea, eta Nekazaritza ekologikoa.

Bost ikastaro horiek irailaren 14ko 1311/2012 Errege Dekretuaren IV eranskineko B zatian –maila kualifikatua– jasotzen diren edukia eta ikastorduak kontuan hartuta eman dira. Errege Dekretu horren bidez, C motako txartela lortzeko eskubidea ematen duen produktu fitosanitarioak modu jasangarrian erabili ahal izateko jarduera-markoa ezartzen da.

Bigarrena.– Landare Osasunaren Batzorde Tekniko Koordinatzaileak txartelak emateko aldeko proposamena egin du.

Ikusi dira honako zuzenbide-oinarri hauek:

ZUZENBIDEKO OINARRIAK

Lehenengoa.– 1311/2012 Errege Dekretuaren 18.1.a) artikulua, gaitze-mailei buruzkoa, eta IV. eranskina, prestakuntza-gaiei buruzkoa; eta 20. artikulua, txartelak egin, berritu eta kentzeari buruzkoa.

Bigarrena.– Ekonomiaren Garapen eta Lehiakortasun Sailaren egitura organiko eta funtzionala ezartzen duen apirilaren 9ko 190/2013 Dekretuaren 20.1.b) artikulua, non landare-osasunaren alorreko eginkizunak Nekazaritzako eta Abeltzaintzako Zuzendaritzari ematen zaizkion. Horrenbestez, hau

EBAZTEN DUT:

Lehenengoa.– Nekazaritzan produktu fitosanitarioak aplikatzeko txartelak emateko agintzea:

1.– Maila kualifikatuko txartela 289 zenbakidun ikastaroan parte hartu duten pertsonei, zein agertzen baitira ebazpen honen I. eranskineko zerrendan.

2.– Maila kualifikatuko txartela 290 zenbakidun ikastaroan parte hartu duten pertsonei, zein agertzen baitira ebazpen honen II. eranskineko zerrendan.

3.– Maila kualifikatuko txartela 291 zenbakidun ikastaroan parte hartu duten pertsonei, zein agertzen baitira ebazpen honen III. eranskineko zerrendan.

4.– Maila kualifikatuko txartela 292 zenbakidun ikastaroan parte hartu duten pertsonei, zein agertzen baitira ebazpen honen IV. eranskineko zerrendan.

5.– Maila kualifikatuko txartela 293 zenbakidun ikastaroan parte hartu duten pertsonei, zein agertzen baitira ebazpen honen V. eranskineko zerrendan.

Bigarrena.– Ebazpen honen aurka interesdunek gora jotzeko errekurtsoa jarri ahalko diote Nekazaritzako, Arrantzako eta Elikagai Politikako sailburuordeari. Horretarako, hilabeteko epea izango dute, ebazpena argitaratzen denetik aurrera.

Vitoria-Gasteiz, 2014ko abuztuaren 22a.

Nekazaritza eta Abeltzaintzako zuzendaria,

EDUARDO AGUINACO LÓPEZ DE SUSO.

(Ikus .PDF)

Azterketa dokumentala