RSS
170. zk., 2014ko irailaren 9a, asteartea
- Bestelako formatuak:
- PDF (169 KB - 1 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
EUSKAL HERRIKO UNIBERTSITATEA
3792
EBAZPENA, 2014ko irailaren 1ekoa, Universidad del País Vasco / Euskal Herriko Unibertsitateko gerentearena, UPV/EHUko lanpostu bat izendapen askearen bidez betetzeko deialdi publikoa ebazten duena.
Nautika eta Itsasontzi-makineria Goi Eskola Teknikoaren Zuzendariak egindako txostena ikusita eta lanposturako proposatutako pertsonak 2014ko ekainaren 20ko ebazpenean (2014ko ekainaren 30eko EHAA) eskatzen ziren betekizunak eta ezaugarriak betetzen dituela ikusita –ebazpen horretan UPV/EHUko lanpostu bat izendapen askeaz betetzeko deialdi publikoa iragartzen zen–, ebazpen horren laugarren oinarria betez eta Euskal Funtzio Publikoari buruzko uztailaren 6ko 6/1989 Legearekin bat etorriz (1989ko uztailaren 28ko EHAA). Gerentzia honek, Universidad del País Vasco / Euskal Herriko Unibertsitateko errektorearen 2013ko urtarrilaren 30eko ebazpenaz eskuordetu zaizkion aginpideez baliatuz (2013ko otsailaren 13ko EHAAn argitaratutako ebazpena, gobernu taldearen egitura eta funtzionamendu arloak zehazteko eta eskumenak eskuordetzen dena), honako hau.
EBAZTEN DU:
Lehenengoa.– Maria Isabel Larrauri Amezaga andrea izendatzea behean azaltzen den lanpostua betetzeko.
– Izena: Administraria B
– Erreferentzia: F 779
– Eskala: Administraria
– Taldea: C
– Zenbatgarrena: 8
– Maila: 22
– Hizkuntz eskakizuna: 3; 2014ko urtarrilaren 31ko derrigortasun datarekin
– Langunea: Nautika eta Itsasontzi-makineria Goi Eskola Teknikoa
– Campusa: Bizkaia.
Bigarrena.– Izendapena EHAAn argitaratu den egunetik ondorioak izango ditu.
Hirugarrena.– Ebazpen honek administrazio-bidea agortzen du, eta, bere aurka, berraztertzeko errekurtsoa jarri ahal izango da Gerentzia honen aurrean, hilabeteko epean. Nahiago bada, administrazio-auzietako errekurtsoa jarri ahal izango da zuzenean Administrazio Auzietako Epaitegi egokian; horretarako hilabete bi egongo dira, Ebazpen hau argitaratu eta biharamunean hasita. Hori guztia, Unibertsitateko Estatutuetako 160. artikuluan, urtarrilaren 13ko 4/1999 Legeak aldatutako azaroaren 26ko Herri Administrazioen Araubide Juridikoaren eta Administrazio Prozedura Erkidearen 30/1992 Legeko 116. artikuluan eta uztailaren 13ko Administrazioarekiko Auzien Jurisdikzioa arautzen duen Legeko 8. eta 14. artikuluetan ezarritakoa betetzeko.
Leioa, 2014ko irailaren 1a.
Gerentea,
MIREN LOREA BILBAO ARTECHE.
