RSS
11. zk., 2014ko urtarrilaren 17a, ostirala
- Bestelako formatuak:
- PDF (178 KB - 2 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BARAKALDOKO LEHEN AUZIALDIKO 1 ZENBAKIKO EPAITEGIA
202
EDIKTUA, zor-aitorpen bati buruz bideratutako 503/12 prozedura arruntaren ondoriozkoa.
JAKINARAZPEN-ZEDULA
Zenbatekoa erreklamatzeari buruz, Jose Argimiro Gutierrez Calles eta Olga Gutierrez Calles jaun-andreen aurka, Sestaoko Zumalakarregi kaleko 26 zenbakiko jabekide-erkidegoak eskatuta, Barakaldoko Lehen Auzialdiko 1 zk.ko Epaitegian burututako 503/12 prozedura arruntean epaia eman da, zeinaren idazpurua eta epaitza honako hauek baitira:
124/13 EPAIA
Epailea: Olga Ahedo Peña.
Lekua: Barakaldo (Bizkaia).
Eguna: bi mila eta hamahiruko irailaren seia.
Alderdi demandatzailea: Sestaoko Zumalakarregi kaleko 26 zenbakiko jabekide-erkidegoa.
Abokatua: Ricardo Cobo Gomez.
Prokuradorea: Margarita Barreda Lizarralde.
Alderdi demandatua: Jose Argimiro Gutierrez Calles eta Olga Gutierrez Calles.
Abokatua:
Prokuradorea:
Judizioaren gaia: zorra aitortzea.
EPAITZA
Baietsi egin da Sestaoko Zumalakarregi kaleko 26 zenbakiko jabekide-erkidegoaren izenean eta ordez Barreda prokuradoreak aurkeztutako demanda, Jose Argimiro Gutierrez Calles eta Olga Gutierrez Calles jaun-andreen aurkakoa. Hori dela eta, demandatuak kondenatzen ditut auzi-jartzaileari 8.410 euro ordaintzera, gehi demanda jarri zen egunetik ebazpen hau ematen den egunera arteko legezko interesak; une horretatik aurrera eta guztiz ordaindu arte, bi puntu gehituko zaizkio legezko interesari, eta kostuak demandatuei ezarriko zaizkie.
Ebazpen honen lekukotza egin bedi, dagozkion autoei eransteko. Jatorrizkoa liburu honetan geratuko da.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan (kontuaren zenbakia: 000000. Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Alderdi demandatzaileari ez zaio apelazio-errekurtsoa onartuko, baldin eta idatziz adierazten ez badu epemugatutako errentak eta kontratuaren arabera aurretiaz ordaindu beharrekoak ordainduta dituela (PZL, 449.1 artikulua).
Eta epai honen bidez erabaki, agindu eta sinatzen dut.
Argitarapena: epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Barakaldon (Bizkaia), bi mila eta hamahiruko irailaren seian.
Eta Olga Gutierrez Calles demandatuari behar bezala jakinarazteko eman eta sinatzen dut ediktu hau, Barakaldon (Bizkaia), bi mila eta hamahiruko irailaren seian.
IDAZKARIA.
