RSS
248. zk., 2013ko abenduaren 31, asteartea
- Bestelako formatuak:
- PDF (178 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 5 ZENBAKIKO EPAITEGIA
5622
EDIKTUA, behin betiko neurriak aldatzeko 272/11 prozeduraren ondoriozkoa.
JAKINARAZPEN-ZEDULA
Bilboko (Bizkaia) Lehen Auzialdiko 5 zenbakiko Epaitegian behin betiko neurriak aldatzeko 272/11 prozedura bideratu da Carmen Narcisa Colcha Arevalok eskatuta, Nestor Jeovanny Toledo Merinoren aurka. Prozedura horren gainean epaia eman da. Hona hemen idazpurua eta epaitza:
441/13 EPAIA
Epailea: Francisco Javier Osa Fernández.
Lekua: Bilbao (Bizkaia).
Data: bi mila eta hamahiruko urriaren hogeita bia.
Alderdi demandatzailea: Carmen Narcisa Colcha Arevalo.
Abokatua:
Prokuradorea: Iker Legorburu Uriarte.
Alderdi demandatua: Nestor Jeovanny Toledo Merino.
Abokatua:
Prokuradorea:
Judizioaren helburua: neurriak aldatzea.
EPAITZA
Partez baiesten dut Carmen Narcisa Colcha Arevalok auzi-ihesean den Nestor Jeovanny Toledo Merinoren aurka aurkeztutako demanda. Horrenbestez, ezetsi egiten dut demandatuari alaba adingabearen gaineko guraso-ahala kentzeko eskaera, eta aldatu egiten ditut, epaitegi honetan, 461/05-A seme-alaba adingabeen gaineko neurriei buruzko autoetan emandako 2005-09-30eko epaian aurreikusitako behin betiko neurriak, hauei dagokienean:
1.– Alaba adingabearekiko guraso-ahalaz baliatu ahal izatea Carmen Narcisa Colcha Arevalori esleitzen zaio esklusiboki.
2.– 2005-09-30eko epaian aurreikusitako aitaren alabarekiko bisita-araubidea aldatzen da; honela, aita bere alabarekin egon ahal izango da Bilbora etortzen bada, eta, hilabete lehenago, amari hala jakinarazten badio betiere. Aita Bilbon dagoen artean, bi arratsaldetan egon ahal izango da alabarekin (asteartea eta osteguna akordiorik ezean), alaba ikastetxetik ateratzen denetik 20.00ak arte eskola-egunetan eta 10.00etatik 20.00etara eskolarik gabeko egunetan, eta igandeetan, 10.00etatik 20.00etara.
Prozedurako kostuak ez dira berariaz ezartzen.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan (kontuaren zenbakia: 4709). Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Nestor Jeovanny Toledo Merino demandatuari behar bezalako jakinarazpena egiteko balio dezan ematen eta sinatzen dut ediktu hau, Bilbon (Bizkaia), bi mila eta hamahiruko azaroaren hogeita bian.
IDAZKARIA.
