227. zk., 2013ko azaroaren 28a, osteguna
- Bestelako formatuak:
- PDF (178 KB - 2 orri.)
- EPUB (96 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 1 ZENBAKIKO EPAITEGIA
5186
EDIKTUA, oro har kontratuei buruz bideratutako 1483/12 prozedura arruntaren ondoriozkoa.
Vitoria-Gasteizko Lehen Auzialdiko 1 zenbakiko Epaitegia.
Judizioa: 1483/12 prozedura arrunteko judizioa.
Alderdi demandatzailea: Santander Consumer Establecimiento Financiero de Crédito, S.A.
Alderdi demandatua: Luiz Henrique Fonseca Barbosa Da Silva y Ana Carolina Mar Sanfilippo Fonseca.
Gaia.
Aipatutako judizioan, ebazpena eman da; hona hemen testua hitzez hitz:
Epailea: Marta Fernandez Molina.
Lekua: Vitoria-Gasteiz.
Data: bi mila eta hamahiruko maiatzaren hamarra.
Alderdi demandatzailea: Santander Consumer Establecimiento Financiero de Crédito, S.A.
Abokatua: Antonio Arriola Saenz.
Prokuradorea: José Ignacio Beltrán Arteche.
Alderdi demandatua: Luiz Henrique Fonseca Barbosa Da Silva eta Ana Carolina Mar Sanfilippo Fonseca.
Abokatua.
Prokuradorea.
Judizioaren gaia: kontratu partikularrak.
EPAITZA:
Baietsi egiten dut osorik José Ignacio Beltrán Arteche epaitegietako prokuradoreak Santander Consumer, establecimiento de crédito, S.A.-ren izenean eta ordez aurkeztutako demanda, Luiz Henrique Fonseca Barbosa Da Silva eta Ana Carolina Sanfilippo Fonseca jaun-andreen aurkakoa, auzi-iheslariak biak ere.
Luiz Henrique Fonseca Barbosa Da Silva eta Ana Carolina Sanfilippo Fonseca jaun-andreak kondenatzen ditut Santander Consumer, establecimiento de crédito, S.A.-ri modu solidarioan 7.862,49 euro ordaintzera.
Zenbateko horrek Prozedura Zibilaren Legearen 576. artikuluan epai-betearazpenetarako aurreikusten den interesa sortuko du (ebazpen honen egunetik ordainketa guztiz egin arte), baldin eta agindutakoa borondatez betetzen ez bada.
Kostuak alderdi demandatuari ezartzen zaizkio.
Jakinaraz bekie alderdiei ebazpen hau, eta, orobat, ebazpen horren aurka apelazio errekurtsoa aurkez dezaketela hura eman duen auzitegiaren aurrean, jakinarazpena egin eta hurrengo egunetik harako 20 eguneko epearen barruan.
Eta epai honen bidez erabaki, agindu eta sinatzen dut.
Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.
Vitoria-Gasteiz, 2013ko uztailaren 31a.
IDAZKARI JUDIZIALA.