Euskal Herriko Agintaritzaren Aldizkaria

215. zk., 2013ko azaroaren 12a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GETXOKO LEHEN AUZIALDIKO ETA INSTRUKZIOKO 3 ZENBAKIKO EPAITEGIA

4892

EDIKTUA, ezkontzaz kanpoko seme-alabentzako neurrietarako 40/13 prozeduraren ondoriozkoa.

Getxoko Lehen Auzialdiko eta Instrukzioko 3 zenbakiko Zuzeneko Laguntza emateko Unitate Prozesala.

Judizioa: 40/13, ezkontzaz kanpoko seme-alabentzako neurriei buruzkoa.

Demandatzailea: Rilda Negrete Cadima.

Abokatua: Ormaetxea Udondo Idoia.

Prokuradorea. Arcocha.

Demandatua: Jaime Othoniel Banegas Zuniga.

Gaia: ezkontzaz kanpoko seme-alabentzako neurriei buruzkoa.

Judizio horretan, epaia eman da 2013-09-20an. Hona hemen epaitza:

EPAITZA

Jaime Othoniel Banegas Zuniga jaunaren aurka, Rilda Negrete Cadima andreak aurkeztutako demanda funtsean baiesten dudanez gero, guraso eta seme-alaben arteko harremanei dagokienez honako neurri arautzaile hauek hartzen ditut:

1.– Adingabeko alabaren zaintza eta jagoletza amari esleitzen zaizkio, eta guraso-ahala guraso biek partekatuko dute, nahiz eta amari bakarrik ematen zaion adingabekoaren gaineko guraso-ahala.

2.– Aitari ez zaio inolako bisita-erregimenik ezarri. Egoera aldatzen bada eta bisita-erregimena ezartzea nahi badu, aitak egiaztatu beharko ditu bisita horiek, eta horretarako ezarritako prozedurari ekin.

3.– Aitak hilero alabarentzako elikadura-pentsioa ordaindu beharko du, 150 eurokoa. Hilabete bakoitzeko lehen bost egunen barruan sartu beharko da kopuru hori. Diru-kopuru hori, bestalde, urtero eguneratuko da urtarrilaren 1etik aurrerako ondorioekin, Estatistikako Institutu Nazionalak edo hori ordezten duen erakundeak estatu osorako prestatutako kontsumoko prezioen indizearen gehikuntzaren indizea aplikatuz. aurreko urteari dagokionez.

Mantenua ordaintzeko obligazioa eten egingo da alaba adin nagusikoa eta ekonomikoki burujabea denean, beti ere KZeko 150. eta 152. artikuluetako amaitze-kausei kalterik egin gabe.

4.– Alabaren aparteko gastuak erdibana ordainduko dituzte gurasoek. Behar bezala egiaztatu beharko dira eta bi gurasoek elkarrekin adostu beharko dituzte edo, adostasunik ez bada, epaileak eman beharko du horretarako baimena. Premiazko diren presako gastuei dagokienez, aldez aurretik ezin bada, aski izango da beste gurasoari ondoren jakinaraztea.

Elikagaiak, arropa, oinetakoak, sorospen mediko-farmazeutikoa eta hezkuntza ordaintzeko beharrezkoak ez direnak joko dira aparteko gastutzat.

Gastu ezohikotzat honakoak jotzen dira: Gizarte Segurantzak hartzen ez dituen osasun-gastuak (dentista, ortodonzia, betaurrekoak, psikologoa, ...), adingabearen hezkuntzarako ezohikotzat jo daitezkeenak (eskola partikular beharrezkoak, eskolaz kanpoko aktibitateak, kirol jarduerak, udalekuak, goi-mailako ikasketak, ikasketa profesionalak edo unibertsitatekoak, atzerrira joan-etorriak eta hango egonaldiak, edo hezkuntzako zein formazioko kausak direla-eta familia-etxebizitzatik kanporako joan-etorriak eta hango egonaldiak...).

Guztia ere, prozesuko kostuak adierazi gabe.

Inpugnatzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan; bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,. artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu eta Kontsignazioen kontuan. Kontuaren zenbakia hauxe da: 4790 0000 00 004013. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judizial naizenak, guzti horren fede ematen dut, Getxon (Bizkaia), bi mila hamahiruko irailaren hogeian.

Jaime Othoniel Banegas Zuniga demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera.

Ebazpen horren aurka, auzi-ihesean den demandatuak apelazio-errekurtsoa aurkez dezake.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Getxo (Bizkaia), 2013ko urriaren 8a.

IDAZKARI JUDIZIALA.

Azterketa dokumentala