RSS
191. zk., 2013ko urriaren 7a, astelehena
- Bestelako formatuak:
- PDF (171 KB - 3 orri.)
- EPUB (98 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 5 ZENBAKIKO EPAITEGIA
4232
EDIKTUA, ezkontzaz kanpoko seme-alabentzako neurrietarako 915/12 prozeduraren ondoriozkoa.
JAKINARAZPEN-ZEDULA
Epaia eman da Bilboko (Bizkaia) Lehen Auzialdiko 5 zenbakiko Epaitegian bideratutako 915/12 prozeduran (seme-alabentzako ezkontzaz kanpoko neurriak). M.C.F.D.k. eskatu du prozedura, Domingo Franco Gutierrez-en aurka, seme adingabekoen zaitza, jagoletza eta mantenuari dagokienez. Hona hemen idazpurua eta epaitza, kopiatuta:
284/13 EPAIA
Epailea: Francisco Javier Osa Fernandez jauna.
Lekua: Bilbao (Bizkaia).
Data: bi mila eta hamahiruko ekainaren hamazortzia.
Alderdi demandatzailea: M.C.F.D.
Abokatua: Arturo Larraondo Etxebarria.
Prokuradorea: Ines Elena Rodriguez Molinero.
Alderdi demandatua. Domingo Franco Gutierrez.
Abokatua.
Prokuradorea.
Judizioko gaia: seme-alabenganako neurriak.
EPAITZA
Auzi-ihesean den Domingo Franco Gutiérrez jaunaren aurka, M.C. F. D.andreak aurkeztutako demanda baietsi egiten da partez, eta honako neurria hauek hartzen ditut:
1.– Adingabekoen zaintza eta jagoletza amari esleitzen zaizkio.
2.– Seme-alabekiko guraso-ahala biek baliatuko dute, eta konpromisoa hartzen dute haiei eragin diezaieketen muntako erabakiak adostasunez hartzeko; adostasunik ez bada epaileak erabakiko ditu, salbu eta presa dela-eta beste ezkontideari kontsulta egitea ezinezkoa denean, esate baterako, osasunari dagozkionak: ospitaleratzea, ebakuntza kirurgikoa eta antzekoak; betiere albait arinen egin beharrekoak badira. Kasu horietan, seme-alabak berekin duen gurasoari egokituko zaio erabakia hartzea.
Guraso-ahalaren arloan, guraso bien adostasunarekin hartu beharreko erabakiak dira honako hauek: ohizko bizilekuari doakion udalerriz beste batera aldatzea adingabekoen bizilekua, halaber atzerria aldatzea, salbu eta oporretako bidaiak; ikastetxea aukeratzea eta ikastetxez aldatzea; eskolaz kanpoko edo osagarrian diren aktibitateak erabakitzea; urgentziazkoak izan barik iraupen handiko diren egintza medikoak, halaber arlo psikologikokoak; muntako ekintza erlijiosoak eta sozialak, esate baterako, Lehen Jaun Hartzea. Jagoletza ez duen gurasoak badu eskubiderik semeek eskolan duten bilakaeraz informazioa jasotzeko, eta, halaber, eskolako tutoretza ekintzetan parte hartzekoa eta bai semeen osasunari dagokionez, egoeraz eta tratamenduaz informazioa jasotzeko.
3.– Aita bere XXXXX semearen konpainian egon ahal izango da, biek askatasunez erabakitzen duten eran.
XXXXX eta XXXXX semeak bisitatzeko erregimenari dagokionez: akordiorik ez bada, astean arratsalde batez (akordiorik ez ba), ikastetxetik ateratzen direnetik 20:00ak arte; eta asteburu birik behin pernoktarik gabe, larunbateko eta igandeko 10:00etatik 20:00ak arte; bisita horiek eten ahal izango dira Aste Santuko eta Eguberrietako eskola-oporraldietarik erdian eta udan hilabete batez, baldin eta ama bere semeekin ohiko bizilekutik kanpora badoa.
4.– Adingabeko semeen mantenutzat honako hauek pagatuko dizkio amari aitak: aurreratutako hilabetetan, hilabete bakoitzeko lehen bost egunen barruan, lanetik, langabezia-prestaziotik edo –laguntzatik edo gizarte-laguntzatik jasotzen duen diru-bide garbien % 35; edonola ere, hileko gutxieneko zenbatekoa 270 eurokoa izango da (90 euro seme bakoitzeko; zenbateko hori urtero eguneratu beharko da, Estatistikako Institutu Nazionalak edo hori ordezkatzen duen erakundeak –estatu osorako– argitaratutako KPIaren arabera, oinarritzat justu aurreko hamabi hilabeteak hartuz, eta hala egiten ez bada, legezko neurriak hartuko dira.
5.– Gurasoek erdibana ordainduko dituzte alaba adingabekoaren ohiz kanpoko gastuak. Halakotzat joko dira mediku-, farmazia-, optika-, odontologia-arlokoek edo antzekoek sortutako gastuak, eta –guraso biek adostuz gero– Gizarte Segurantzak edo mediku-aseguru pribatu batek bere gain hartzen ez dituen gainerako medikuntza-gastuak, horik aparte dira urgentziako egoerak. Halakotzat joko dira, orobat, eskolako edo aisialdiko aparte gastuak, guraso biek adostuz gero.
Beste gurasoari kontsulta egin ezin zaion urgentziazko kasuetan izan ezik, gainerakoetan, guraso bakoitzak besteari jakinarazi beharko dizkio adingabeko semeek dituzten aparteko premiak, eta premia horiei erantzun beharra dagoela adierazi; horretarako, kasuan kasuko agiriak helaraziko dizkio batak besteari (gastuaren zenbatekoari buruzko aurrekontua edo informazioa). Hamabost eguneko epean bete gurasoaren erantzunik ez badago, gastua onartuta dagoela ulertuko da.
Halako jakinarazpenak behar bezala jasota geratzeko moduan egingo dira.
6.– Seme adingabeei eta amari esleitzen zaie familia-etxebizitzaren erabilera (Juan Carlos de Cortazar kalea 8-2.eko D, Bilbao).
Prozedura hau izapidetzerakoan sortutako prozesu-kostuak ez zaizkio inori ezartzen.
Aurkaratzeko modua: apelazio-errekurtsoa, Bizkaiko Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean jarri beharko da, epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hau da: 4709. Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu beharko da kontsignazioa (BJLOko 15. xg.).
Errekurtsoa jartzeko gordailua egitetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Franco Gutierrez demandatuari behar bezalako jakinarazpena egiteko balio dezan ematen eta sinatzen dut idazki hau, Bilbon (Bizkaia), bi mila eta hamahiruko ekainaren hamazortzian.
IDAZKARIA.
