Euskal Herriko Agintaritzaren Aldizkaria

25. zk., 2013ko otsailaren 5a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

IRUNGO LEHEN AUZIALDIKO ETA INSTRUKZIOKO 5 ZENBAKIKO EPAITEGIA

679

EDIKTUA, tutoretzari buruz bideratutako 72/12 prozeduraren ondoriozkoa.

Irungo Lehen Auzialdiko eta Instrukzioko 5 zenbakiko Zuzeneko Laguntza emateko Unitate Prozesala.

Judizioa: 72/12 tutoretza.

Demandatzailea: Fiskaltza.

Demandatua: Jose Maria Iguiñiz Garcia.

Gaia: tutoretza.

Judizio horretan, autoa eman zen, 2012ko abenduaren 19an, eta xedapen-zatia honako hau da:

EPAITZA

Deklaratu egiten dut XXX XXX XXX adingabearen tutoreak aitaren aldeko osaba-izeba María Luisa Iguiñiz García eta Jesús Sánchez Rodriguez jaun-andreak izango direla batera eta era solidarioan. Modu horretan, bertan behera geratzen da adingabearen aita José Iguiñiz García jaunari emandako guraso-ahala.

Aurkaratzeko modua: Gipuzkoako Probintzia Auzitegian apelazio-errekurtsoa aurkeztuta (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: inpugnazioa zein alegaziotan oinarritzen den, eta apelatutako ebazpena eta aurkaratutako erabakiak zeintzuk diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 4231 0000 100072 12. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Jakinaraz bekie ebazpen hau alderdiei eta Ministerio Fiskalari.

Hala erabaki, agindu eta sinatzen dut nik, Almudena Izquierdo Trecherak, Irungo Lehen Auzialdiko eta Instrukzioko 5 zenbakiko Epaitegiko epaileak.

Jose Maria Iguiñiz Garcia demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Jakinarazten den ebazpenaren testu osoa eskura du interesdunak, epaitegi honetako bulego judizialean.

Irun (Gipuzkoa), 2012ko abenduaren 20a.

IDAZKARI JUDIZIALA.

Azterketa dokumentala