RSS
9. zk., 2013ko urtarrilaren 14a, astelehena
- Bestelako formatuak:
- PDF (211 KB - 6 orri.)
- EPUB (370 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
ENPLEGU ETA GIZARTE GAIETAKO SAILA
249
EBAZPENA, 2012ko azaroaren 15ekoa, Lanbide-Euskal Enplegu Zerbitzuko zuzendari nagusiarena. Honen bidez, EAEko eremuan enplegurako lanbide-heziketari babesa eta laguntza emateko ekintzetarako diru-laguntzak emateko dena.
Enplegu eta Gizarte Gaietako sailburuaren maiatzaren 8ko Aginduaren bidez (maiatzaren 15eko EHAA), 2012. urtean, Euskal Autonomia Erkidegoaren eremuan enplegurako lanbide-heziketari babesa eta laguntza emateko ekintzetarako diru-laguntzen deialdia egin zen.
Deialdiaren 13. artikuluan jasotzen da Hobetuzek aurkezten diren eskaerak aztertuko dituela eta Lanbide-Euskal Enplegu Zerbitzuari dagozkion proposamenak egingo dizkiola, zerbitzu horretako zuzendari nagusiak bidezko ebazpena eman dezan; eta enpresa onuradunen zerrenda eta emandako kopuruak Euskal Herriko Agintaritzaren Aldizkarian argitaratuko direla.
Halaber, agindu horren 11. eta 12. artikuluetan balorazio-irizpideak eta laguntza zehazteko irizpideak finkatzen dira.
Horrenbestez,
EBAZTEN DUT:
Lehenengoa.– Diru-laguntzak ematea, 1.200.000 euroko diru kopurua delarik, onartutako prestakuntzarako babes eta laguntza ekintzak garatzeko, I eranskin horretan adierazten diren zenbatekoen arabera.
Bigarrena.– II. eranskinean jasotako eskaerak ez onartzea, bertan adierazten diren arrazoiak direla eta.
Ebazpen honek administrazio-bidea agortzen du, eta haren kontra aukerako berraztertzeko errekurtsoa jar daiteke, hilabeteko epean, ebazpena Euskal Herriko Agintaritzaren Aldizkarian argitaratu eta biharamunetik kontatzen hasita; edo zuzenean administrazioarekiko auzi-errekurtsoa aurkez daiteke Gasteizko Administrazioarekiko Auzien Epaitegian, bi hilabeteko epean, ebazpena EHAAn argitaratu eta hurrengo egunetik kontatzen hasita.
Vitoria-Gasteiz, 2012ko azaroaren 15a.
Lanbide-Euskal Enplegu Zerbitzuko zuzendari nagusia,
JAVIER RAMOS SALAZAR.
