Euskal Herriko Agintaritzaren Aldizkaria

248. zk., 2012ko abenduaren 24a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

ETXEBIZITZA, HERRI LAN ETA GARRAIO SAILA

5809

IRAGARKIA, Bilboko Txurdinagan, 301 banaketa-arean, 0314 poligonoan, 003 etxadian, 002 lur-zatian, gutxi gora behera zuzkidurazko 100 bizitoki eraikitzeko aurreproiektua, oinarrizko proiektua eta obra burutzeko proiektua idazteko eta obraren zuzendaritza fakultatiboa egiteko zerbitzu-kontratua lizitatzeko (32A/12 espedientea).

1.– Entitate esleitzailea.

a) Erakundea: Etxebizitza, Herri Lan eta Garraio Saileko Zerbitzu zuzendaria.

b) Espedientea izapidetzen ari den bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 32A/12.

2.– Kontratuaren ezaugarriak.

a) Helburua: Bilboko Txurdinagan, 301 banaketa-arean, 0314 poligonoan, 003 etxadin, 002 lurzatian, gutxi gora behera zuzkidurazko 100 bizitoki eraikitzeko aurreproiektua, oinarrizko proiektua eta obra burutzeko proiektua idaztea eta obraren zuzendaritza fakultatiboa egitea.

b) Multzotan zatitzea: ez da multzotan zatitu.

c) Burutzeko lekua: enpresaren egoitza eta Txurdinagan, Bilbon (Bizkaia).

d) Burutzeko tarteko epeak: bai. Ikus karatularen 5. puntua.

3.– Izapideak, prozedura eta esleitzeko modua.

a) Izapideak: ohikoak.

b) Prozedura: irekia.

c) Esleitzeko modua: hainbat irizpide.

4.– Lizitazioaren oinarrizko aurrekontua: laurehun eta laurogeita hamabost mila zazpiehun (495.700) euro, eta horri ehun eta lau mila eta laurogeita hamazazpi (104.097) euro dagozkio, BEZagatik, beraz, guztira, bostehun eta laurogeita hemeretzi mila zazpiehun eta laurogeita hamazazpi (599.797) euro da.

5.– Behin-behineko bermea: ez dago jarri beharrik.

6.– Agiriak eta argibideak lortzeko:

a) Entitatea: Eusko Jaurlaritza. Etxebizitza, Herri Lan eta Garraio Saila.

b) Helbidea: Donostia kalea, 1.

c) Herria eta posta-kodea: 01010 Vitoria-Gasteiz.

d) Telefonoa: 945 01 97 54.

e) Agiriak eta argibideak eskuratzeko azken eguna: 2013ko urtarrilaren 18a.

f) Kontratu honi buruzko informazio guztia webgune honetan eskura daiteke: www.contratación.info edo www.euskadi.net/contratacion.

7.– Kontratistaren betebeharrak.

Eskatutako sailkapena: ez.

Kaudimenari buruzko eskakizunak eta egiaztatzeko modua:

A) Kaudimen ekonomikoa eta finantzarioa: finantza-erakundearen adierazpena, enpresak kontratua burutzeko behar besteko kaudimen ekonomikoa eta finantzarioa duela jasotzen duena. Berariaz aipatu beharko da kontratuaren xedea.

B) Kaudimen teknikoa: azken hiru urteetan egindako zerbitzu nagusien edo lanen zerrenda aurkeztu beharko dute enpresek, lan edo zerbitzu horien zenbatekoa, datak eta onuradunak (publikoak nahiz pribatuak) zehaztuko dituena. Zerbitzuak egiaztatzeko organo eskudunak egindako edo bisaturiko ziurtagiriak aurkeztu beharko dira hartzailea sektore publikokoa izan bada; eta pertsona pribatua bada, pertsona horrek egindako ziurtagiria edo enpresaburuaren aitorpena. Kontratua burutzearen arduradun denak, gutxienez, honako eskakizun hauetakoren bat bete beharko du:

– Azken hiru urteetan 160.000 eurotik gorako ordainsaria izan duen proiektu bat egin izana edo egiten aritzea.

– Azken hiru urteetan 3.000.000 eurotik gorako kontrata-aurrekontua izan duen obraren bat zuzentzeko kontratua edukitzea edo eduki izana.

8.– Eskaintzak edo parte hartzeko eskabideak aurkeztea:

a) Agiriak aurkezteko azken eguna: 2013ko urtarrilaren 21a, 12:00ak baino lehen.

b) Aurkeztu beharreko dokumentazioa: administrazio-klausula zehatzen agirian adierazten direnak.

c) Eskabideak aurkezteko lekua:

1) Entitatea: Etxebizitza, Herri Lan eta Garraio Saila.

2) Helbidea: eskuan eraman beharko dira Etxebizitza, Herri Lan eta Garraio Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zein egunetan jarri den, egun berean (eta betiere eskaintzak aurkezteko muga-ordua baino lehen) kontratazio organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira edo eskaintza bidali izanaren jakinarazpenak eskaintzak jasotzeko finkatutako epea amaitutakoan jasotzen badira, ez dira onartuko. Nolanahi ere, eskaintza postaz bidali, eta hamar egun naturaleko epean jasotzen ez bada, inolaz ere ez da onartuko.

3) Herria eta posta-kodea: 01010 - Vitoria-Gasteiz (Araba).

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera kontatuta.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxienezko edo gehienezko kopurua: ez dago horrelakorik.

9.– Esleitzeko irizpideak: Guztirako balorazioa: 100 puntu. Azpirizpideak.

a) Formulak aplikatuz automatikoki balioestekoak diren irizpideak: Ponderazioa: 50 puntu.

1) Eskaintza ekonomikoa. Ponderazioa: 45 puntu. Formula: ikus karatularen 30.2.1 puntua.

2) Epea: Ponderazioa: 5 puntu. Formula: ikus karatularen 30.2.1 puntua.

b) Balio-iritzietan oinarrituta aplikatu behar diren irizpideak. Ponderazioa: 50 puntu.

1) Kalitate arkitektonikoa. Ponderazioa: 35 puntu. Ikus karatularen 30.2.1 puntua.

2) Proposamena Etxebizitza, Herri Lan eta Garraio Sailak planteaturiko jarraibideetara ondo egokitzea. Ponderazioa: 15 puntu. Ikus karatularen 30.2.1 atala.

10.– C gutunazala irekitzeko ekitaldi publikoa:

Erakundea: Kontratazio Mahaia (Zerbitzu Zuzendaritza).

Herria: 01010 - Vitoria-Gasteiz (Araba).

Data: 2013ko otsailaren 11.

Ordua: 10:00.

Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

11.– Eskaintza ekonomikoen irekiera:

a) Entitatea: Kontratazio Mahaia (Zerbitzu Zuzendaritza).

b) Herria: 01010 - Vitoria-Gasteiz (Araba).

c) Data: 2013ko martxoaren 11.

d) Ordua: 10:00.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

12.– Bestelako argibideak.

13.– Iragarpen-gastuak: enpresa esleipendunaren kontura.

14.– Iragarkia Europako Batasunaren Aldizkari Ofizialera bidali zeneko eguna: 2012ko abenduaren 4a.

15.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.net/contratacion.

Vitoria-Gasteiz, 2012ko abenduaren 5a.

Zerbitzu zuzendaria,

PALOMA USATORRE MINGO.

Azterketa dokumentala