Euskal Herriko Agintaritzaren Aldizkaria

222. zk., 2012ko azaroaren 16a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO EPAITEGIA

5075

EDIKTUA, oro har kontratuei buruz bideratutako 410/12 prozedura arruntaren ondoriozkoa.

JAKINARAZPEN-ZEDULA

Vitoria-Gasteizko Lehen Auzialdiko 2 zenbakiko Epaitegian 410/12 prozedura arrunta bideratu da, Bank PLC entitateak eskatuta (Espainiako sukurtsala), Daniel Hritcu jaunaren aurka, kontratu batzuk direla-eta. Prozedura horren gainean epaia eman da. Hona hemen idazpurua eta epaitza, kopiatuta:

185/12 EPAIA

Epailea: Francisco Javier Pablo Pablo.

Lekua: Vitoria-Gasteiz.

Eguna: bi mila eta hamabiko irailaren hogeita zortzia.

Alderdi demandatzailea: Bank PLC (Espainiako sukurtsala).

Abokatua: Froufe jauna.

Prokuradorea: Javier Area Anitua.

Alderdi demandatua: Daniel Hritcu.

Abokatua:

Prokuradorea:

Judizioaren gaia: gainerako arruntak (42).

Nik, Francisco Javier Pablo Pablok, ikusi ditut 410/12 zenbakiko judizio arruntaren autoak, zenbateko bat erreklamatzeari buruzkoak. Banaketa-txandaren arabera, epaitegi honi egokitu zitzaion auto horiek bideratzea. Área prokuradoreak egin zuen eskaera, FCE Bank PLC entitatearen izenean (Espainiako sukurtsala), Froufe letraduak lagunduta, eta auzi-ihesean den Driss Hritcu jauna da demandatua.

EPAITZA

Baietsi egiten dut zenbatekoa erreklamatzeko judizio arrunta egiteko demanda, Área proku­radoreak –Froufe letraduak lagunduta– Banque PSA entitatearen izenean aurkeztu duena (Espainiako sukurtsala). Demanda auzi-ihesean den Daniel Hritcu-ren aurka aurkeztu da.

Daniel Hritcu jauna kondenatzen dut «FCE Bank PLC»entitateari (Espainiako sukurtsala) honako hauek ordaintzera: 18.982,91 euro, eta adierazitako tronkoaren gaineko berandutze-interesak, alegia, urte bakoitzerako ezarritako diruaren legezko interesa 2,5 aldiz. Interes hori sortuko da 2009ko irailaren 28tik ebazpen hau ematen den egunera arte.

Epaia betearazteari dagokionez, ateratzen den diru-kopuru likidoak sortuko ditu Prozedura Zibilaren Legearen 576. artikuluan aurreikusitako interesak, ebazpen honen egunetik ordainketa guztiz egin arte, baldin eta agindutakoa borondatez betetzen ez bada.

Kostuak alderdi demandatuari ezartzen zaizkio.

Jakinaraz bekie ebazpen hau alderdiei.

Aurkaratzeko modua: apelazio-errekurtsoa, Arabako Probintzia Auzitegiari zuzenduta (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan (kontuaren zenbakia: ). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judizial naizenez, horren guztiaren fede ematen dut, Gasteizen, bi mila eta hamabiko irailaren hogeita zortzian.

Daniel Hritcu demandatuari behar bezala jakinarazteko balio dezan egin eta sinatzen dut ediktu hau, Vitoria-Gasteizen, bi mila eta hamabiko irailaren hogeita zortzian.

IDAZKARIA.

Azterketa dokumentala