Euskal Herriko Agintaritzaren Aldizkaria

211. zk., 2012ko urriaren 31, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO MERKATARITZA ARLOKO 1 ZENBAKIKO EPAITEGIA

4824

EDIKTUA, 438/11 prozedura arruntaren ondoriozkoa.

Bilboko Merkataritza arloko 1 zenbakiko Epaitegia (Bizkaia).

Judizioa: 438/11 prozedura arrunta.

Demandatzailea: Valentyn Kosharny, Sergii Pugach, Andriy Ralyev, Oleksandr Rahozin, Serhii Peresunko, Alexander Gopich eta Victor Bashkov.

Abokatua.

Prokuradorea: Maria del Mar Ortega Gonzalez.

Demandatua: Akai Shipping Ltd.

Gaia: judizio arrunta.

Aipatu judizioaren gainean epaia eman da 2012-06-19an; hona hemen epaitza:

1.– Osorik baiesten dut María del Mar Ortega González prokuradoreak, Valentyn Kosharny, Segii Pugach, Oleksandr Rahozin, Andriy Ralyev, Serhii Peresunko, Alexander Gopich eta Víctor Bashkov-en izenean eta ordezkaritzan jarritako demanda, auzi-ihesean den Akai Shipping Ltd. Merkataritza-sozietatearen aurkakoa.

2.– Akai Shipping Ltd. Merkataritza-sozietatea kondenatzen dut auzi-jartzaileari honako zenbateko hauek ordaintzera:

I.– Laurogeita hiru mila, bederatziehun eta hirurogeita bost euro eta hirurogeita hamabost zentimo (83.965,75), itsas soldata-kredituengatik.

II.– Hiru mila, laurehun eta laurogeita zazpi euro eta hogeita mahazortzi zentimo (3.487,38), aberriratze-gastuengatik.

3.– Zenbateko horrek sortutako legezko interesak ordaintzera kondenatzen dut Akai Shipping Ltd. Merkataritza-sozietatea, demanda judiziala aurkeztu zenetik aurrerakoak.

Ebazpen hau irmo egiten denetik hara, guztizko zorraren berandutza-interes bi puntutan gehitua sortuko da, PZLko 576 artikuluan araututako interes prozesal legez.

4.– Alderdi demandatuari ezartzen dizkiot kostuak.

Akai Shipping Ltd. demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluaren arabera (PZLb).

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2012ko irailaren 6a.

IDAZKARI JUDIZIALA.

Azterketa dokumentala