RSS
181. zk., 2012ko irailaren 17a, astelehena
- Bestelako formatuak:
- PDF (189 KB - 2 orri.)
- EPUB (97 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
TOLOSAKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA
4171
EDIKTUA, 49/12 prozedura arruntaren ondoriozkoa.
JAKINARAZPEN-ZEDULA
Tolosako (Gipuzkoa) Lehen Auzialdiko 2 zenbakiko Epaitegian, kontratua suntsitzeko 49/12 judizio arrunta bideratu da, Transolver Finance Establecimiento Financiero de Credito, S.A.k eskatuta, Ana Maria Iturrioz Jauregi eta Ricardo Domingo Seoane Estevezen aurka. Prozedura horren gainean epaia eman da. Hona hemen idazpurua eta epaitza, kopiatuta:
99/12 EPAIA
Epailea: Leyre Urretavizcaya Ardanaz.
Lekua: Tolosa (Gipuzkoa).
Eguna: bi mila eta hamabiko uztailaren hemeretzia.
Alderdi demandatzailea: Transolver Finance Establecimiento Financiero de Credito, S.A.
Abokatua: Juan Luis Lobeto Guerras.
Prokuradorea: Jose Ignacio Otermin Garmendia.
Alderdi demandatua: Ana Maria Iturrioz Jauregi eta Ricardo Domingo Seoane Estevez.
Abokatua.
Prokuradorea.
Judizioaren gaia: kontratua suntsitzeko judizio arruntaren demanda.
EPAITZA
Osorik baiesten dut José Ignacio Otermin Garmendia epaitegietako prokuradoreak, Transolver Finance, EFC, S.A.ren izenean eta ordezkaritzan jarritako demanda, auzi-ihesean diren Ricardo Domingo Seoane Estevez eta Ana María Iturrioz Jauregiren aurkakoa. Horrenbestez,
– Suntsitutzat jotzen da honako kontratu hau: Y92L20080000021 zenbakiko finantza-errentamenduko (leasing) poliza, Transolver Finance, EFC, S.A. eta Ricardo Domingo Seoane Estevezen artean hitzartua, Ana María Iturrioz Jaureguiren fidantza solidarioa zuela, 2008ko maiatzaren 16an; geroago, 2010eko ekainaren 14an, Y92L20100000016 zenbakidun akordioak aldatu egin zuen poliza hori.
– Honako ibilgailu honen gaineko jabetza Transolver Finance, EFC, S.A.rena dela deklaratzendut: Iveco markako ibilgailua, ML120E25P Eurocargo modeloa; bastidore-zk.: ZCFA1EJ0302532069; matrikula-zk.: 3341-GDZ; ibilgailuaren jabe nor den jasota uzteko behar diren aginduak bidaliko zaizkie ondasun mugikorren erregistroari eta Trafikoko Buruzagitzari.
– Finantza-errentamenduak sortutako kuotengatik jasotako errentak Transolver Finance, EFC SAri esleitzen dizkiot behin betiko.
– Ricardo Domingo Seoane Estevez kondenatzen dut –Ana María Iturrioz Jauregiren fidantza solidarioa duena, finantza-errentamenduko leasing kontratuan jasotako materialaren jabetza berehala Transolver Finance, EFC, S.A.ri itzultzera, hura baita haren legezko jabea.
– 2011-10-25etik 2012-01-25era bitartean epemugatutako kuota ordaindu gabeak –kuota bakoitza 1.079,04 eurokoa – auzi-jartzaileari modu solidarioan ordaintzera kondenatzen ditut demandatuak. Halaber, kuota bat ordaindu beharko dute –1079,04 euro–, demanda hau jarri zenetik hasita ibilgailua Transolver Financeren esku erabat utzi arte, materiala itzuli arteko hilabete edo hilabete-frakzio bakoitzeko, demandatuek finantza-errentamenduko kontratuan aipatzen den materiala erabiltzen duten bitartean, eta kontratuko atzerapen-interesa ere ordaindu beharko dute, finantza-errentamenduko merkataritza-polizan ezarritakoa, itzulketa bakoitza egiten denetik guztiak ordaindu arte, hileko % 2an.
Kostuak ordaintzera kondenatzen dut demandatua.
Aurkaratzeko modua: apelazio-errekurtsoa aurkeztuz, Gipuzkoako Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).
Errekurtsoa aurkeztu ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da, epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 00301846420005001274. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Eta Ana Maria Iturrioz Jauregi eta Ricardo Domingo Seoane Estevez demandatuei behar bezalako jakinarazpena egiteko balio dezan ematen eta sinatzen dut ediktu hau, Tolosan (Gipuzkoa), bi mila eta hamabiko uztailaren hogeian.
IDAZKARIA.
