Euskal Herriko Agintaritzaren Aldizkaria

143. zk., 2012ko uztailaren 23a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

TOLOSAKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

3396

EDIKTUA, zor-aitorpenari buruz bideratu den 275/11 prozedura arruntaren ondoriozkoa.

Tolosako Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: 275/11 prozedura arrunta.

Demandatzailea: Unión Financiera Asturiana SA, Establecimiento Financiero de Crédito.

Abokatua.

Prokuradorea: Perez.

Demandatua: Victor Manuel Martin Muñoz eta Maria Isabel Insausti Beguiristain.

Gaia: zorra aitortzea.

Aipatu judizioan, 2012ko maiatzaren 8an, epaia eman da, zeinaren epaitza ondokoa baita:

68/12 EPAIA

Epailea: Helena Antona Suena.

Lekua: Tolosa (Gipuzkoa).

Eguna: bi mila eta hamabiko maiatzaren zortzia.

Alderdi demandatzailea: Unión Financiera Asturiana SA, Establecimiento Financiero de Crédito.

Abokatua: Alfredo Prieto Valiente.

Prokuradorea: Maria Vega Perez Arroyo.

Alderdi demandatua: Victor Manuel Martin Muñoz eta Maria Isabel Insausti Beguiristain, auzi-ihesean.

Judizioaren gaia: zorra aitortzea.

Helena Antona Suenak, hiri honetako eta haren barrutiko Lehen Auzialdiko eta Instrukzioko 1 zenbakiko Epaitegiko epaileak, ikusi ditu diru-zenbateko bat erreklamatzeko 275/11 judizio arrunteko auto hauek. Idazpuruan ageri diren alderdiek parte hartu dute. Eta honako epaia eman du:

EPAITZA

Auzi-ihesean diren Victor Manuel Martin Muñoz eta Maria Isabel Insausti Beguiristain-en aurka, Union Financiera Asturiana, S.A.ren izenean M.ª Vega Pérez Arroyo epaitegietako prokuradoreak aurkeztutako demanda baietsi egiten dut; mailegu-kontratua, indarraldia bukatu baino lehen, suntsitua dela deklarazten dut, eta demandatuak batera eta solidarioki honako hauek pagatzera kondenatzen ditut: tronkoaren bederatzi mila zortziehun eta hirurogeita bederatzi euro eta berrogeita bat zentimo (9.869,41), eta interesak eta gastuak.

Alderdi demandatuari ezartzen dizkiot prozesuko kostuak.

Jakinaraz bekie ebazpen hau alderdiei, eta ohartarazi ez dela irmoa eta beraren aurka errekurtsoa aurkez daitekeela:

Aurkaratzeko modua: apelazio-errekurtsoa aurkeztuz, Gipuzkoako Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean jarri beharko da, epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hau da: 1864000000027511. Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Victor Manuel Martin Muñoz eta Maria Isabel Insausti Beguiristain demandatuen bizilekuak ezezagunak direnez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Tolosa (Gipuzkoa), 2012ko maiatzaren 14a.

IDAZKARI JUDIZIALA.

Azterketa dokumentala