47. zk., 2012ko martxoaren 6a, asteartea
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Osasun eta Kontsumo Saila
1079
IRAGARKIA. Honen bidez, Promociones Arkaute-Elorriaga SL sozietateari Osasun eta Kontsumoko sailburuaren 2011-12-23ko Agindua jakinarazten zaio, kontsumo arloko 01A001/06/2011 zehapen-prozedurari buruzkoa.
Osasun eta Kontsumoko sailburuaren 2011ko abenduaren 23ko Aginduaren bidez, ezetsi egiten da Laura Larracoechea Seco abokatuak «Promociones Arkaute-Elorriaga» enpresaren ordez aurkeztutako gora jotzeko errekurtsoa, zein Kontsumoko zuzendariaren 2011ko uztailaren 6ko Ebazpenaren aurka aurkeztu baitzen, 01A001/06/2011 zehapen-espedientea. Ebazpen horren bidez, Promociones Arkaute-Elorriaga SL sozietateari hiru mila (3.000) euroko diru-zehapena ezarri zion batzordeak, kontsumitzaileak babesteko arloan administrazioko arau-haustea egiteagatik.
Interesdunari aipatu ebazpena jakinarazteko ahalegina egin arren, lortu ez denez, Herri Administrazioen Araubide Juridiko eta Administrazio Prozedura Erkidearen azaroaren 26ko 30/1992 Legearen 59. artikuluaren 4. paragrafoan xedatutakoa betez, iragarki hau argitaratzen da. Halaber, jakinarazten zaio aipatu ebazpenak ez diola administrazio-bidea amaiera ematen, eta administrazioarekiko auzi-errekurtsoa aurkeztu ahal izango dela dagokion administrazioarekiko auzien epaitegian, bi hilabeteko epean, iragarki hau argitaratu eta biharamunetik hasita.
Ebazpen honen jakinarazpena hilaren 1etik 15era egiten bada, jakinarazpen-egunean hasi eta hurrengo hilaren 5ean amaituko da ordaintzeko epea; azken egun jaieguna izanez gero, hurrengo egun baliodunean. Aitzitik, jakinarazpena hilaren 16tik hilaren azken eguna bitartean egin bada, jakinarazpen-egunean hasi eta hurrengo hilaren 20an amaituko da epea; azken hori jaieguna izanez gero, hurrengo egun baliodunean.
Diru-sarrera zehapenaren titularraren izena eta espedientearen zenbakia aipatuz egin beharko da, banketxe eta kontu-korronte honetan:
Euskadiko Kutxa.
Eusko Jaurlaritzako Diruzaintza Nagusia.
30350056400560900123 K/K.
Zehapena adierazitako borondatezko epe horretan ordaindu ezean, premiamendu-bidean ordainaraziko da, bere ondaretik, azaroaren 26ko 30/1992 Legearen 97.1 artikuluan xedatutakoa betez.
Vitoria-Gasteiz, 2012ko otsailaren 13a.
Kontsumobideko zuzendaria,
ANA COLLÍA POSADA.