Euskal Herriko Agintaritzaren Aldizkaria

222. zk., 2010eko azaroaren 18a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileria

Justizia eta Herri Administrazio Saila

5449

AGINDUA, 2010eko azaroaren 2koa, Eusko Jaurlaritzako Justizia eta Herri Administrazioko sailburuarena, Justizia Administrazioko Prozesu eta Administrazio Izapidetzako Kidegoko funtzionarioari destinoa emateko dena (txanda irekia). Funtzionario honek irailaren 15eko JUS/2978/2006 Aginduaz deitutako hautaprobak gainditu zituen Euskal Autonomia Erkidegoan.

Justizia Administrazioaren Zerbitzupeko Funtzionarioak Lanera Sartzeko, Lanpostuak Hornitzeko eta Lanpostuz Igotzeko Arautegia onartzen duen abenduaren 7ko 1451/2005 Errege Dekretuko 28. eta 29. artikuluetan ezarritakoa betez, 2010eko azaroaren 2ko Aginduaren bidez Prozesu eta Administrazio Izapidetzako Kidegoko karrerako funtzionario izendatu den Justizia Administrazioko Prozesu eta Administrazio Izapidetzako Kidegoko funtzionarioari (txanda irekia) I. eranskinean zerrendatzen den organo judizial eta fiskaletan lantokia esleitzea ebatzi dut, honakoak kontuan hartuta:

Lehenengoa.- Agindu honen bidez lantokia esleitzen zaion Prozesu eta Administrazio Izapidetzako Kidegoko funtzionarioak egutegiko hogei eguneko epean hartu beharko du jabetzan bere kargua, agindu hau Euskal Herriko Agintaritzaren Aldizkarian argitaratu eta biharamunetik zenbatzen hasita, edo, Euskal Herriko Agintaritzaren Aldizkarian eta Estatuko Aldizkari Ofizialean batera argitaratu ezean, Estatuko Aldizkari Ofizialean argitaratzen den egunetik zenbatzen hasita, aipatutako errege-dekretuko 29. artikuluan xedatutakoaren arabera.

Lanpostu-jabetzea Bulego Judizial eta Fiskalaren zuzendariaren edo hark eskuordetutako funtzionarioaren aurrean egingo da, Lakuako egoitzan (Vitoria-Gasteizen) edo Bizkaia edo Gipuzkoako EATetan, esleitutako lantokiari dagokion lurraldearen arabera.

Bigarrena.- Onartutako hautagaiei esleitu zaizkien lanpostuak betetzen ari diren bitarteko funtzionarioek titularra lanpostuaz jabetzen den egunean utziko dute lanpostua.

Hirugarrena.- Abenduaren 23ko 19/2003 Lege Organikoak aldatutako Botere Judizialaren uztailaren 1eko 6/1985 Lege Organikoaren 498. artikuluarekin bat etorriz Justizia Administrazioko langileei aplika dakiekeen Justizia Administrazioko langileen bateraezintasunei buruzko abenduaren 26ko 53/1984 Legea betez, dagoeneko karrerako funtzionarioak diren hautagaiek lanpostuaz jabetzeko aktan adierazi beharko dute egin duten aukera.

Laugarrena.- Agindu honen bidez destinoa esleitzen zaion Laguntza Judizialaren Kidegoko funtzionarioak, bere lehentasun-hurrenkeraren kalifikazioa dela-eta lantokia derrigorrean esleitzen bazaio ere, agindu honen datatik zenbatzen hasita bi urte igaro arte ezin izango du lekualdatze-lehiaketetan parte hartu. Bi urte horiek zenbatzeko, Botere Judizialaren uztailaren 1eko 6/1985 Lege Organikoko 529.3 artikuluko bigarren paragrafoan xedatutakoari jarraituko zaio.

Bosgarrena.- Urriaren 1eko JUS/2912/2008 Aginduaren bidez (2008-10-15eko BOE) hautagaiei eskaini eta ebazpen honen bidez esleitu gabe utzi diren plazek hutsik jarraituko dute.

Agindu honen aurka interesdunek aukerako berraztertzeko errekurtsoa aurkez diezaiokete Justizia eta Herri Administrazio sailburuari hilabeteko epean; bestela, administrazioarekiko auzi-errekurtsoa aurkez dezakete, Euskal Autonomia Erkidegoko Auzitegi Nagusiko Administrazioarekiko Auzien Salan, bi hilabeteko epean. Agindua Estatuko Aldizkari Ofizialean argitaratu eta hurrengo egunetik aurrera zenbatuko dira epeak bi kasuetan.

Vitoria-Gasteiz, 2010eko azaroaren 2a.

Justizia eta Herri Administrazioko sailburua,

IDOIA MENDIA CUEVA.

I. ERANSKINA / ANEXO I

Hurrenkera zk.

N.º Orden NAN

DNI Abizenak

Apellidos Izena

Nombre Esleitutako Destinoa

Destino Adjudicado Udalerria

Localidad Probintzia

Provincia

1 78880257 Boyano Ruiz Kristina 1. Auzialdiko 2 zk.ko Epaitegia.

Juzgado de 1.ª Instancia n.º 2 Donostia-San Sebastián Gipuzkoa