Euskal Herriko Agintaritzaren Aldizkaria

98. zk., 2009ko maiatzaren 26a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarkiak

Industria, Merkataritza eta Turismo Saila

3016

IRAGARKIA, 2009ko maiatzaren 4koa, Energia eta Meategien zuzendariarena; horren bitartez, jendaurrean jartzen da Bizkaiko Lurralde Historikoko «Demasía a Barga, n.º 281», «Demasía a San Benito, n.º 283», «Demasía a Despreciada, n.º 814» eta «Demasía a Concha, n.º 1.701» ustiapen-emakiden iraungipen-hasiera.

Meategiei buruzko uztailaren 21eko 22/1973 Legearen 86. artikuluan eta abuztuaren 25eko 2857/1978 Errege Dekretuak onartzen duen Meatze Erregimenari buruzko Erregelamendu Orokorreko 109.h) artikuluan ezarritakoa aplikatuz, «Demasía a Barga, n.º 281», «Demasía a San Benito, n.º 283», «Demasía a Despreciada, n.º 814», eta «Demasía a Concha, n.º 1.701» ustiapen-emakiden iraungipen-espedientea ireki da. Bizkaiko Lurralde Historikoko Abanto y Ciérvana-Abanto Zierbenako, Valle de Trápaga-Trapagarango eta Ortuellako udalerrietan daude kokatuta ustiapen horiek.

Adierazitako emakida batzuen titulartasuna ezezaguna denez gero, baita titular ezagun batzuen helbidea ere, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 59.4. artikuluan ezarritakoaren arabera, Euskal Herriko Agintaritzaren Aldizkarian eta Abanto y Ciérvana-Abanto Zierbenako, Valle de Trápaga-Trapagarango eta Ortuellako udaletako Iragarki Tauletan argitara emango da Iragarki hau, interesdunek, azkeneko argitalpenetik zenbatzen hasita hamabost eguneko epean, bidezkotzat hartzen dituzten agiriak eta justifikazioak alegatu eta aurkezteko.

Vitoria-Gasteiz, 2009ko maiatzaren 4a.

Energia eta Meategien zuzendaria,

TXABER LEZAMIZ CONDE