Euskal Herriko Agintaritzaren Aldizkaria

88. zk., 2008ko maiatzaren 12a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Ogasun eta Herri Administrazio Saila

2834

EBAZPENA, 2008ko martxoaren 31koa, Funtzio Publikoaren zuzendariarena, Vitoria-Gasteizko Administrazioarekiko Auzietako 1 zenbakiko Epaitegian jardundako 88/08, 89/08 eta 93/08 zenbakidun prozedura laburretan alderdi bezala ager daitezen, interesdun izan daitezkeenei epea jartzen diena.

Ebazpen honen bidez argitara ematen da Funtzio Publikoaren zuzendariak 2008ko otsailaren 25eko eta 29ko ebazpenak eman dituela non xedatu den Vitoria-Gasteizko Administrazioarekiko Auzietako 1 zenbakiko epaitegiari bidal dakizkiola honako prozedurei buruzko espediente administratiboak:

a) Prozedura Laburtua 88/08 zenbakiduna: UGT sindikatuak jarri duen administrazioarekiko auzi-errekurtsoa Ogasun eta Herri Administrazio sailburuaren 2007ko azaroaren 21eko Aginduaren aurka doa, I-A, I-B, II-A, II-B, II-C eta III-A berariazko osagarria duten mailako lanpostuak, Lurralde Antolaketa, Arkitektura eta Obrak ezagutzako arlokoak, Euskal Autonomia Erkidegoko Administrazio Orokorreko eta Erakunde Autonomiadunetako karrerako funtzionarioentzat gordeta daudenak, betetzeko lehiaketarako deialdia eta berariazko oinarriak onartzeko dena.

b) Prozedura Laburtua 89/08 zenbakiduna: UGT sindikatuak jarri duen administrazioarekiko auzi-errekurtsoa Ogasun eta Herri Administrazio sailburuaren 2007ko azaroaren 21eko Aginduaren aurka doa, I-A, I-B, II-A, II-B, II-C eta III-A berariazko osagarria duten mailako lanpostuak, Instalazioak, Ekoizle Prozedurak eta Lan-Arriskuen Prebentzioko ezagutzako arlokoak, Euskal Autonomia Erkidegoko Administrazio Orokorreko eta Erakunde Autonomiadunetako karrerako funtzionarioentzat gordeta daudenak, betetzeko lehiaketarako deialdia eta berariazko oinarriak onartzeko dena.

c) Prozedura Laburtua 93/08 zenbakiduna: LAB sindikatuak jarri duen administrazioarekiko auzi-errekurtsoa Ogasun eta Herri Administrazio sailburuaren 2007ko azaroaren 21eko Aginduaren aurka doa, I-A, I-B, II-A, II-B, II-C eta III-A berariazko osagarria duten mailako lanpostuak, Euskal Autonomia Erkidegoko Administrazio Orokorreko eta Erakunde Autonomiadunetako karrerako funtzionarioentzat gordeta daudenak, betetzeko lehiaketarako deialdia eta berariazko oinarriak onartzeko dena, honako ezagutzako arlo hauetan: Juridikoa, Instalazioak, Ekoizle Prozedurak eta Lan-Arriskuen Prebentzioa; Lurralde antolaketa, Arkitektura eta Obrak; Ingurumena; Euskalduntzea eta Hizkuntza Normalizazioa; Orokorreko Administrazioa eta Pertsonala; Nekazaritza, Arrantza eta Elikadura.

Aipatutako prozedura horiek eragina izan dezakete lehen esandako ezagutza arloetako lanpostuak betetzeko konkurtsoen ebazpenean.

Horregatik guztiagatik eta Administrazioarekiko Auzietarako Jurisdikzioa arautzen duen Legeak, uztailaren 13ko 29/1998 Legeak emandako idazkeran, 49.1 artikuluan agindutakoarekin bat etorriz, honako hau

EBATZI DUT:

1.– Aipatutako espedienteetan interesdunak izan daitezkeenei bederatzi eguneko epea jartzea, Vitoria-Gasteizko Administrazioarekiko Auzietako 1 zenbakiko epaitegiaren aurrean lehenago esandako prozeduretako alderdi bezala aurkezteko aukera izan dezaten.

2.– Honako hau Euskal Herriko Agintaritzaren Aldizkarian argitara dadila agintzea.

Vitoria-Gasteiz, 2008ko martxoaren 31.

Funtzio Publikoaren zuzendaria,

FERNANDO TOÑA GUENAGA.