Euskal Herriko Agintaritzaren Aldizkaria

193. zk., 2015eko urriaren 9a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA

4284

IRAGARKIA, Osakidetza-Euskal osasun zerbitzuarena / Bizkaiko Osasun Mentaleko Sarearena, «Bizkaiko Osasun Mentaleko Sareko aparatu igogailuen eta elektromekanikoki irekitzen diren ateen mantentze integrala» kontratatzeko espedientearen lizitazio-prozedura irekitzeari dagokiona.

1.– Erakunde esleitzailea.

a) Erakundea: Osakidetza-Euskal osasun zerbitzua, Osasun Sailari atxikitako Ente Publikoa, Bizkaiko Osasun Mentaleko Sarea (BOMS), María Díaz de Haro kalea, 58, 48010, Bilbao (Bizkaia). Telefonoak: 94 470 52 80. Telefaxa: 94 470 52 82.

b) Espedientea izapidetzen duen bulegoa: Bizkaiko Osasun Mentaleko Sarea – Kontratazio Zerbitzua.

c) Espediente-zenbakia: G/200/20/1/1117/O501/0000/092015.

2.– Kontratuaren xedea.

a) Kontratu-mota: zerbitzuak.

b) a) Xedearen deskribapena: Bizkaiko Osasun Mentaleko Sareko aparatu igogailuen eta elektromekanikoki irekitzen diren ateen mantentze integrala.

c) Loteen eta zenbakien araberako banaketa: ez. (Lote bakarra). Ikus zehaztasunak Oinarri Teknikoen Pleguan.

3.– Izapideak, prozedura eta esleitzeko era.

a) Izapidetzea: arrunta.

b) Prozedura: irekia.

4.– Lizitaziorako oinarrizko aurrekontua: 60.000,00 euro bi urterako (BEZik gabe). Kontratuaren balio zenbatetsia: 130.000,00 euro (BEZik gabe).

5.– Behin-behineko bermea: ez da behar.

6.– Dokumentazioa eta argibideak jasotzeko tokia: Bizkaiko Osasun Mentala, María Díaz de Haro, 58, 48010, Bilbao (Bizkaia) eta kontratatzailearen profilaren bitartez. Ikus 13. puntua.

7.– Kontratistaren berariazko eskakizunak.

a) Sailkapena: a) Ez da sailkapenik eskatzen. Halere, dokumentazio-izapideak errazteko, beherago adierazitako sailkapena duten lizitatzaileek, hala egiaztatuz gero, baldintza hori betetzen dutela ulertuko da Hala izan ezean, sailkapena egiaztatzen ez duten eta atzerriko enpresentzat ere, askatasunez egiaztatu ahalko dute ondorengo b) puntuaren arabera.

(Ikus .PDF)

(Ikus .PDF)

(Ikus .PDF)

b) Bestelako kaudimen ekonomiko eta finantzarioak eta kaudimen tekniko eta profesionala: bai, administrazio-klausula berezien pleguaren karatularen 29 puntuaren arabera, azaroaren 14ko 3/2011 Legegintzako Errege Dekretuaren bidez onetsitako Sektore Publikoko Kontratuei buruzko Legearen Testu Bateginaren 75 eta 78 artikuluei dagokienez.

Ekonomia- eta finantza-kaudimena: (Ikus 3/2011 LEDaren 75. Artikulua, irailaren 11ko 10/2015 LEDaren 12. Artikuluan jasotakoaren arabera):

Enpresaburuaren ekonomia eta finantza kaudimena lizitatzaileek egiaztatu ahalko dituzte hurrengo baliabideetariko bat edo hainbat erabiliz, horiek guztiak 3/2011 SPKLTB-LEDaren 75. artikuluaren 1. puntuan jasotakoan, eta kontratazio-organoak egiaztatzeko baliabide bat edo beste eskatzea hautatzeko duen ahalmenarekin bat etorriz.

a) Urteko negozio-bolumena, edo bestela, kontratuari dagokion esparruko urteko negozio-bolumena, lizitazio-iragarkian edo prozeduran parte hartzeko gonbidapenean eta kontratuaren pleguetan edo, horrelakorik egon ezean, legean eskatutako zenbatekoan edo hortik gora.

b) Egokia den kasuetan, arrisku profesionalengatiko kalte-ordain aseguru bat egotearen egiaztagiria, lizitazio-iragarkian edo prozeduran parte hartzeko gonbidapenean eta kontratuaren pleguetan edo, horrelakorik egon ezean, legean eskatutako zenbatekoan edo hortik gora.

c) Urteko kontuak onartzeko betekizuna iraungita duen azken ekitaldi ekonomikoa ixtean, orduan dagoen ondare garbia edo aktiboen eta pasiboen arteko ratioa, lizitazio-iragarkian edo prozeduran parte hartzeko gonbidapenean eta kontratuaren pleguetan edo, horrelakorik egon ezean, legean eskatutako zenbatekoan edo hortik gora.

Kaudimen teknikoa: (Ikus 3/2011 Legegintzako Errege Dekretuko 78. artikulua).

Zerbitzu-kontratuetan, enpresaburuen gaitasun teknikoa edo profesionala balioesteko, haien ezagutza teknikoak, eraginkortasuna, eskarmentua eta fidagarritasuna hartuko dira aintzat eta, kontratuaren xedearen arabera, ondorengo bitarteko hauetako baten edo batzuen bitartez egiaztatu ahal izango dira horiek guztiak.

a) Azken hiru urteotan egindako lanik nabarmenenak edo emandako zerbitzurik aipagarrienak, zerbitzu edo lan horien zenbatekoak, datak eta hartzaileak, publiko zein pribatuak, jasotzen dituen zerrenda. Hartzailea sektore publikoko erakundea denean, organo eskudunak jaulkitako edo ontzat emandako ziurtagiri bidez kreditatu beharko dira egindako lanak edo zerbitzuak; hartzailea subjektu pribatu bat denean, berorrek emandako ziurtagiriaren bitartez, eta, halakorik ezean, enpresaburuaren adierazpen baten bidez; behar izanez gero, ziurtagiri horiek zuzenean jakinaraziko dizkio agintaritza eskudunak kontratazio-organoari.

b) Kontratuan parte hartzen duten langile teknikoak edo unitate teknikoak zehaztuz –enpresa barrukoak nahiz kanpokoak–, batez ere kalitate-kontroleko arduradunak.

c) Alderdi hauen deskribapena: instalazio teknikoak, kalitatea bermatzeko erabiltzen diren neurriak eta enpresak azterketak eta ikerketak aurrera eramateko eskura dituen baliabideak.

d) Zerbitzu edo lan konplexuak direnean edo, ezohiko moduan, xede berezia dutenean, kontratazio-organoak eginiko kontrol bat edo, horren izenean, enpresaburua ezarrita dagoen Estatuan eskumena duen organismo ofizial edo homologatu batek eginikoa, aipatutako organismoarekiko akordioa dagoenean. Kontrol hori enpresaburuaren gaitasun teknikoaz egingo da eta, beharrezkoa bada, hark dituen azterketa- eta ikerketa-bitartekoez eta kalitatea kontrolatzeko neurriak ikuskatzeko.

e) Enpresarioen eta enpresaren zuzendaritzako pertsonalaren titulu akademikoak eta profesionalak, eta, batik bat, kontratua exekutatzeko ardura duen pertsonalarenak.

f) Egokiak diren kasuetan, enpresaburuak kontratua egikaritzean aplikatuko ahalko dituen ingurumen-kudeaketako neurriak adieraziko dira.

g) Enpresaren urteko batez besteko langile kopuruari eta azken hiru urteetan izan dituen zuzendaritza-taldeen garrantziari buruzko adierazpena, dagozkien justifikazio-agiri guztiekin.

h) Obrak edo prestazioak gauzatzeko izango dituen makineria, material eta ekipamendu teknikoak deskribatzen dituen adierazpena, dagozkien dokumentazio eta egiaztagiri guztiekin.

Betebeharrekoak: horrez gain, gaitasun teknikoa egiaztatu beharko da, kontratua gauzatzeko behar diren giza baliabideak edo bitarteko materialak jartzeko konpromisoaren bidez, eta eskaintzan zehaztu beharko da erantsitako dokumentuari jarraiki.

8.– Eskaintzak edo parte hartzeko eskabideak aurkezteko era.

a) Aurkezteko azken eguna: ostirala, 2015eko urriak 30, 12:00etan.

b) Aurkeztu beharreko agiriak: Administrazio-klausula berezien pleguan zehaztutakoa eta espedientearen gainontzeko dokumentazioa.

c) Aurkezteko lekua: ikus 1.a puntua, Erregistro Orokorrean.

d) Lizitatzaileak zenbat denboran eutsi behar dion bere eskaintzari: 2 hilabetez, proposamen ekonomikoak irekitzen direnetik aurrera.

e) Aldaerak onartzea: ez.

9.– Eskaintzak baloratzeko irizpideak, administrazio-klausula berezien pleguaren karatularen 30. puntuan ezarritakoaren arabera.

a) Formuletan oinarritutako irizpideak: Prezioa/balorazio ekonomikoa: % 75, Erantzuteko denbora: % 5, Izaera teknikoko langileak: % 5.

b) Balio-judizioan oinarritutako irizpideak: Instalazio eta taldeetarako mantentze eta prestakuntza programa: % 6, hurrengo azpirizpideetan xehatzen dena: Mantentze kudeaketako programa, talde teknikoaren egitura, langileen antolaketa, kontratuaren xedeari aplikagarria: % 4 eta BOMSeko langile teknikoen prestakuntza plana, kontratuaren xedearekin lotura izan dezakeena: % 2, Prestazio gehigarriak: % 9 eta horrela xehatzen da: Kabinako argi-itzaltzearen automatizazioa: % 2, Argiztapenaren led sistema ordezkatzea: % 2, Giltza txartelarekin ordezkatzea: % 2; Alarmen konexio zentrala: % 2, Ikuskaritza Teknikoak egitea: % 1.

10.– Eskaintzak irekitzea.

a) Eskaintzak irekitzea, balio-judizioa egiteari lotutako irizpideei dagokienez: Erakundea: Bizkaiko Osasun Mentaleko Sarea: María Díaz de Haro, 58, 48010, Bilbao (Bizkaia), Data: 2015eko azaroaren 5a, 10:00ak.

c) Eskaintzak irekitzea, alderdi ekonomikoari eta formula bidez balioztatu daitezkeen irizpideei dagokienez: Erakundea: Bizkaiko Osasun Mentaleko Sarea: María Díaz de Haro, 58, 48010, Bilbao (Bizkaia), Data: osteguna, 2015eko azaroaren 19a, 10:00ak.

d) Eskaintzak jendaurrean aipatutako egunetan irekiko dira, atzeratzen ez bada, Herri Administrazioen Kontratuei buruzko Legearen Erregelamendu Orokorraren 80.4 artikulua aplikatuta (1098/2001 ED) edo bestelako arrazoiagatik atzeratzen ez bada, eta kasu bietan irekitzeko beste egunen berri emango da, bakar-bakarrik, Eusko Jaurlaritza/Osakidetza Kontratatzailearen profilaren «Iragarki-taula»ren bidez.

11.– Bestelako argibideak:

a) Kontratuaren iraupena bi urtekoa izango da, luza daitekeena.

12.– Iragarkien gastuak: esleipendunak ordainduko ditu (456,95 euro, gutxi gorabehera).

13.– Hala badagokio, deialdiari buruzko informazioa aurkitzeko edo pleguak jasotzeko atari informatikoa edo web orria: bai. Eusko Jaurlaritzako kontratatzailearen profila web orriaren bidez: www.osakidetza.euskadi.eus

Bilbao, 2015eko irailaren 29a.

Kontratazio-mahaiko ordezko presidentea (ordezkaria),

ARATXU LOZANO OTERO.

Azterketa dokumentala