Euskal Herriko Agintaritzaren Aldizkaria

188. zk., 2015eko urriaren 2a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BERGARAKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

4148

EDIKTUA, adostasunik gabeko dibortzioari buruz bideratutako 15/2015 prozeduraren ondoriozkoa.

Bergarako Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: 15/2015, adostasunik gabeko dibortzioa.

Demandatzailea: Javier Aguirrebarrena Ortiz.

Abokatua: Amaia Zabaleta Irazabalbeitia.

Prokuradorea: Miguel Ángel Oteiza Iso.

Demandatua: Francisca de Asis Mir y Mas.

Auzigaia: adostasunik gabeko dibortzioa.

Judizio horretan, epaia eman da 2015-09-09an. Hona hemen epaitza:

EPAITZA

Francisca de Asis Mir-en aurka, Javier Aguirrebarrenaren izenean eta ordez Miguel Angel Oteiza Iso prokuradoreak aurkeztutako demanda osorik baiesten dut; eta Javier Aguirrebarrenak eta Francisca de Asis Mir y Mas-ek osatutako ezkontza –dibortzioa dela-eta– deseginda dagoela deklaratzen dut. Errebokatuta geratzen dira ezkontideek elkarri emandako ahalak, eta bertan behera uzten da etxe-ahalaz baliatuz beste ezkontidearen ondasun pribatiboak lotetsi ahal izateko aukera.

Guztiarekin ere, auzi honetan izapideetan sortutako kostuak ez zaizkio berariaz inori ezartzen.

Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den, eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua jarri behar da, eta, hori egin ezean, ez da bera izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da:.. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Francisca de Asis Mir y Mas demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bergara (Gipuzkoa), 2015eko irailaren 14a.

IDAZKARI JUDIZIALA.

Azterketa dokumentala