Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

165. zk., 2015eko irailaren 1a, asteartea


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

TOLOSAKO LEHEN AUZIALDIKO ETA INSTRUKZIOKO 3 ZENBAKIKO ZUZENEKO LAGUNTZA EMATEKO UNITATE PROZESALA
3718

EDIKTUA, ezkontzaz kanpoko seme-alabentzako neurrietarako 172/2014 prozeduraren ondoriozkoa.

Tolosako Lehen Auzialdiko eta Instrukzioko 3 zenbakiko Zuzeneko Laguntza emateko Unitate Prozesala.

Judizioa: 172/2014 ezkontzaz kanpoko seme-alabentzako neurriak.

Demandatzailea: Fatima Zohra Eissa.

Abokatua: M.ª Jose Carretero Bueno.

Prokuradorea: Fernando Castro Mocoroa.

Demandatua: Jounes Enouaouri.

Gaia: ezkontzaz kanpoko seme-alabentzako neurriak.

Judizio horretan, epaia eman da 2015-03-18an. Hona hemen epaitza:

Baiesten dut Fátima Zohra Eissaren ordezkaritza prozesalak seme-alaba adingabearentzako efektuak eskatzeko aurkeztutako demanda, Jounes Enouaoliri-ren aurkakoa. Horrenbestez, bien seme-alaben gaineko neurri hauek hartzea erabakitzen dut:

1.– Alaba adingabearen zaintza eta jagoletza amari esleitzen zaizkio, eta guraso-ahala, berriz, guraso biek partekatuko dute.

2.– Momentuz ez da ezartzen inolako bisita-erregimenik, ez baitago harremanik aitaren eta alabaren artean. Nolanahi ere, neurri hori alda liteke, aita azalduko balitz.

3.– Mantenu-pentsio gisa, hilean 100 euroko zenbatekoa ordaindu beharko dio aitak adingabearen amari. Zenbateko hori urtero eguneratuko da, epaia irmo denetik hasita, KPIren aldaketei jarraituz. Betebehar hori izango du aitak, harik eta alaba, adinez nagusi izanik, ekonomikoki independentea izan arte edo autonomia ekonomiko nahikoa izan eta familiaren etxebizitza utzi arte.

Bestalde, ez da kostuen gaineko erabakirik hartzen.

Jounes Enouaouri demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, demandatu auzi-iheslariak apelazio-errekurtsoa aurkez dezake, Gipuzkoako Probintzia Auzitegian, hogei egun balioduneko epean.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Tolosa (Gipuzkoa), 2015eko maiatzaren 6a.

IDAZKARI JUDIZIALA.


Azterketa dokumentala