Euskal Herriko Agintaritzaren Aldizkaria

165. zk., 2015eko irailaren 1a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 4 ZENBAKIKO EPAITEGIA

3706

EDIKTUA, 966/2014 prozedura arruntaren ondoriozkoa.

Bilboko Lehen Auzialdiko 4 zenbakiko Epaitegia.

Judizioa: 966/2014 prozedura arrunta.

Demandatzailea: Volkswagen Finance ,S.A. E.F.C.

Abokatua: Enrique Domingo Osle.

Prokuradorea: Alvaro Gonzalez Carranceja.

Demandatua: Denny Omaira Ereu Villamizar eta Juan Francisco San Miguel Suero.

Gaia: demandaren eskaeran adierazitakoa.

Judizio horretan, epaia eman da 2015-03-27an. Hona hemen epaitza:

EPAITZA

Osorik baiesten dut Álvaro González Carranceja prokuradoreak Volkswagen Finance, S.A. E.F.C.ren izenean eta ordez aurkeztutako demanda, Denny Omaira Ereu Villamizar eta Juan Francisco San Miguel Suero jaunen aurkakoa, auzi-iheslariak eurak. Horrenbestez, aipatu demandatuak kondenatzen ditut auzi-jartzaileari honako hauek solidarioki ordaintzera:

a) 13.771,26 euro.

b) Aipatu zenbatekoaren (13.771,26 euro) legezko interesak, demanda aurkeztu zenetik, 2014-10-02tik, aurrerakoak.

c) Judizioaren kostuak.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4708. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Denny Omaira Ereu Villamizar eta Juan Francisco San Miguel Suero demandatuen egungo helbidea ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan ezarritakoa betez (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Bilbao (Bizkaia), 2015eko martxoaren 27a.

IDAZKARI JUDIZIALA.

Azterketa dokumentala