Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

142. zk., 2015eko uztailaren 29a, asteazkena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BIZKAIKO PROBINTZIA AUZITEGIA
3368

EDIKTUA, 61/2015 apelazio-errekurtso arruntaren ondoriozkoa.

Bizkaiko Probintzia Auzitegia – Bosgarren Sekzioa

Errekurtsoa: 61/2015 apelazioa, prozedura arrunta.

Errekurtsogilea: Helbide honetako jabeen erkidegoa: Iñigo Eguiluz plaza 1, 2 eta 3, Ispaster, Bizkaia.

Abokatua: Jose Antonio Lozano Murga.

Prokuradorea: Idoia Gutierrez Aretxabaleta.

Alderdi errekurritua: Construcciones Graisu SL, Gaz Arkitektoak SL, Igor Ortega Garcia, Jose Miguel Ortega Vegas eta Ispaster ABEE.

Errekurtso horretan, epaia eman da 2015-06-11n. Hona hemen epaitza:

EPAITZA:

Zati batean baiesten dut Gutierrez Aretxabaletak Ispasterreko Iñigo Eguiluz plazako 1, 2 eta 3 zenbakietako jabeen erkidegoaren izenean eta ordez aurkeztutako apelazio-errekurtsoa, Bilboko Lehen Auzialdiko 4 zenbakiko Epaitegiko epaile magistratuak 2014ko abenduaren 11n emandako epaiaren aurkakoa. Epai hori erroilu honi dagozkion 868/2012 judizio arrunteko autoetan eman zen. Horrenbestez, epai hori zati batez ezeztatzen dugu, alderdi honi dagokionez bakarrik: ez zaizkio auzi-jartzaileari kostuak ezartzen berariaz, demandan kide diren Jose Miguel Ortega Vegasen eta Igor Ortega Garciaren instantzian sortutakoak, alegia. Hori dela eta, alderdi bakoitzak bere kostuak eta kostu komunak ordaindu beharko ditu, halakorik badago, erdibana. Bestalde, gainerako erabakiei eutsiko zaie, baina ez zaio gora jotzeko kosturik inori ezartzen berariaz.

Itzul bitez autoak jatorrizko epaitegira. Epai honen lekukotza ere bidaliko da, bete dadin.

Itzul bekio Ispasterreko Iñigo Eguiluz plazako 1, 2 eta 3 zenbakietako jabeen erkidegoari errekurtsorako eratutako gordailua. Horretarako itzultze-manamendua egingo du idazkariak.

Ebazpen horren aurka kasazio-errekurtsoa aurkez daiteke Auzitegi Goreneko Arlo Zibileko Salan, kasazio-interesa egiaztatuz gero. Errekurtsoa jartzeko, idazkia aurkeztu behar da epaitegi honetan, hogei egun balioduneko epean, ediktu hau jakinarazi eta biharamunetik aurrera (PZLb, 477. eta 479. artikuluak).

Prozesuko arau-haustea dela eta, ezohiko errekurtsoa ere aurkeztu ahal izango da, PZLb-n aurreikusitako arrazoiren batengatik, Auzitegi Goreneko Arlo Zibileko Salan. Errekurtsoa jartzeko, idazkia aurkeztu behar da epaitegi honetan, ediktu hau jakinarazi eta biharamunetik hogei egun balioduneko epean (PZLb, 470.1. artikulua eta azken xedapenetatik hamaseigarrena).

Errekurtsoak aurkezteko beharrezkoa izango da 50 euro uztea gordailuan, baldin eta kasazio-errekurtsoa bada; eta 50 euro, arau-hauste prozesalengatiko ezohiko errekurtsoa bada. Baldintza horiek bete ezean ez zaizkie izapideak egingo. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da 4738 0000 00 006115. Errekurtso biak baliatuz gero, bi ezarpen-eragiketa ezberdin egin beharko ditu errekurtso-egileak, eta, sarrera-ordainagiriaren kontzeptuaren lekuan, «Errekurtsoa» 06 kodea dela adierazi beharko du kasazio-errekurtsoa bada, eta 04 kodea dela, arau-hauste prozesalarengatiko ezohiko errekurtsoa bada. Errekurtsoak jartzerakoan, zenbateko hori zainpean utzi dela egiaztatu beharko da (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Errekurtsoa aurkezteko idazki bakoitzari honako hau erantsi beharko zaio: tasa judiziala ordaindu izanari buruzko egiaztagiri behar bezala balioztatua, salbu eta 10/2012 Legean aurreikusitako exentzioren bat gertatzen bada.

Epai honen egiaztagiria erroiluari batuko zaio. Epai honen bidez behin betiko epaituz, eman, agindu eta izenpetzen dugu.

Ispaster ABEE errekurritu auzi-iheslariaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibilaren 1/2000 Legearen 497.2 artikuluaren arabera (PZLb).

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2015eko ekainaren 17a.

IDAZKARI JUDIZIALA.


Azterketa dokumentala