RSS
141. zk., 2015eko uztailaren 28a, asteartea
- Bestelako formatuak:
- PDF (203 KB - 1 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
XEDAPEN OROKORRAK
KONSTITUZIO AUZITEGIA
3351
EDIKTUA, zergen foru-arauei buruzko epaitu aurreko arazoaren ondoriozkoa (1042/2015 zenbakia).
Zergen foru-arauei buruzko epaitu aurreko arazoa (1042-2015 zenbakia), Gipuzkoako Lurralde Historikoko Pertsona Fisikoen Errentaren gaineko Zerga arautzen duen abenduaren 29ko 10/2006 Foru Arauaren 30.2 artikuluarekin lotuta, ustez Konstituzioaren 31. artikulua eta lehenengo xedapen gehigarria urratzeagatik, Euskal Autonomia Erkidegoarekiko Ekonomia Ituna onesten duen maiatzaren 23ko 12/2002 Legearen 3.a) artikuluari dagokionez.
Konstituzio Auzitegiko osoko bilkurak, aurtengo uztailaren 7ko probidentziaren bidez, erabaki du izapidetzeko onartzea zergen foru-arauei buruzko 1042-2015 zenbakiko epaitu aurreko arazoa, Euskal Autonomia Erkidegoko Auzitegi Nagusiaren Administrazioarekiko Auzietako Salaren bigarren sekzioak planteatutakoa, 200/12013 eta 389/2013 zenbakietako errekurtso metatuetan, Gipuzkoako Lurralde Historikoko Pertsona Fisikoen Errentaren gaineko Zerga arautzen duen abenduaren 29ko 10/2006 Foru Arauaren 30.2 artikuluarekin lotuta, ustez Konstituzioaren 31. artikulua eta lehenengo xedapen gehigarria urratzeagatik, Euskal Autonomia Erkidegoarekiko Ekonomia Ituna onesten duen maiatzaren 23ko 12/2002 Legearen 3.a) artikuluari dagokionez; horrez gain, Konstituzio Auzitegiari buruzko Lege Organikoaren 10.1.e) artikuluan xedatutakoarekin bat etorrita, auzitegi horrek beretzat gordeko du arazo horren ardura.
Konstituzio Auzitegiari buruzko Lege Organikoaren 37.2 artikuluan xedatutakoarekin bat etorrita, 200/12013 eta 389/2013 zenbakietako errekurtso metatuetan alderdi direnak auzitegi honetan pertsonatu ahal izango dira, hamabost eguneko epean, ediktu hau Estatutuko Aldizkari Ofizialean argitaratzen den egunetik hasita.
Madril, 2015eko uztailaren 7a.
Konstituzio Auzitegiko osoko bilkurako justizia-idazkaria,
HERMINIA PALENCIA GUERRA.
