Euskal Herriko Agintaritzaren Aldizkaria

123. zk., 2015eko uztailaren 2a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA

2946

EDIKTUA, 455/2014 prozedura arruntaren ondoriozkoa.

Vitoria-Gasteizko Lehen Auzialdiko 6 zenbakiko Epaitegia - Zuzeneko Laguntza Zibila emateko Unitate Prozesala.

Judizioa: 455/2014 prozedura arrunta.

Demandatzailea: Vitoria-Gasteizko Udal Hirigintza Elkartea Ensanche 21 Zabalgunea, S.A.

Abokatua: Eduardo Olaizola Gonzalez De Zarate.

Prokuradorea: Luis Perez Avila Pinedo.

Demandatuak: Vitoria-Gasteizko Errekaleor 26 behe eskuineko bizilagunak; Vitoria-Gasteizko Errekaleor 26 behe ezkerreko bizilagunak; Vitoria-Gasteizko Errekaleor 26-2 ezkerreko bizilagunak; Vitoria-Gasteizko Errekaleor 26-1 ezkerreko bizilaguna; Vitoria-Gasteizko Errekaleor 26-2 eskuineko bizilagunak eta Vitoria-Gasteizko Errekaleor 26-1 eskuineko bizilagunak.

Gaia: judizio arrunta.

Judizio horretan, epaia eman da 2015-05-21ean. Hona hemen epaitza:

EPAITZA

Ezesten dut Pérez-Ávila prokuradoreak Vitoria-Gasteizko Udal Hirigintza Elkartea Ensanche 21 Zabalgunea, S.A.ren izenean eta ordez aurkeztutako demanda. Kostuak berariaz ezartzen dizkiot.

Aurkaratzeko modua: apelazio-errekurtsoa aurkeztuta, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (0072 0000 08 0455 14). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Demandatuen (Vitoria-Gasteizko Errekaleor 26 behe eskuineko bizilagunak; Vitoria-Gasteizko Errekaleor 26 behe ezkerreko bizilagunak; Vitoria-Gasteizko Errekaleor 26-2 ezkerreko bizilagunak; Vitoria-Gasteizko Errekaleor 26-1 ezkerreko bizilaguna; Vitoria-Gasteizko Errekaleor 26-2 eskuineko bizilagunak eta Vitoria-Gasteizko Errekaleor 26-1 eskuineko bizilagunak) egungo helbidea ezezaguna denez, ebazpen hori Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedurara Zibilaren 1/2000 Legearen 497/2 artikuan xedatutakoari jarraituz (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Vitoria-Gasteiz, 2015eko maiatzaren 21a.

IDAZKARI JUDIZIALA.

Azterketa dokumentala