Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

123. zk., 2015eko uztailaren 2a, osteguna


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA
2943

EDIKTUA, 520/2014 prozedura arruntaren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: 520/2014 prozedura arrunta.

Alderdi demandatzailea: Maritza Mollo Villca.

Alderdi demandatua: Dieter-Titon Ruiz Ledezma.

Auzigaia: arrunta, guraso-ahala kentzeari buruzkoa.

Judizio horretan ebazpena eman da, eta honela dio hitzez hitz:

373/2015 EPAIA

Epailea: Ana Isabel Viaña Ranilla andrea.

Lekua: Barakaldo (Bizkaia).

Eguna: bi mila eta hamabosteko ekainaren hirua.

Alderdi demandatzailea: M.M.V.

Abokatua: Cristina Perez Barrientos.

Prokuradorea: Sonia Saenz Tuñon.

Alderdi demandatua: Dieter-Titon Ruiz Ledezma.

Abokatua.

Prokuradorea.

Judizioaren gaia: guraso eta seme-alabentzako neurriak hartzea.

EPAITZA

Baiesten dut M.M.V. andreak aurkeztutako demanda, Dieter-Titon Ruuiz Ledezma jaunaren aukakoa. Horrenbestez, XXXXX semeari dagokionez demandatuari guraso-ahala eta hari lotutako gainerako eskubideak kentzeko agintzen dut. Nolanahi ere, guraso-ahala berreskuratu lezake, betiere hura kentzeko neurria eragin duen arrazoia desagertuko balitz. Demandatua kondenatzen dut, hortaz, neurri hori onartu eta betetzera. Ez dut erabakirik hartzen auzialdi honetan sortutako kostuei buruz.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da:..........., Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatuaren gaur egungo bizilekua edo egoitza ezezaguna denez, ediktu hau EHAAn argitaratzea erabaki du epaileak, Prozedura Zibilaren 1/2000 Legearen 156.4 eta 164. artikuluetan xedatutakoarekin bat, epaia jakinarazteko eginbidea gauza dadin.

Barakaldo (Bizkaia), 2015eko ekainaren 4a.

IDAZKARI JUDIZIALA.


Azterketa dokumentala