Euskal Herriko Agintaritzaren Aldizkaria

119. zk., 2015eko ekainaren 26a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

OSASUN SAILA

2864

EBAZPENA, 2015eko ekainaren 11ko, Kontsumobideko zuzendariarena, toki-erakundeei eta horiek sustatutako erakundeei 2015eko ekitaldiko diru-laguntzak emateko dena, kontsumitzaileen eta erabiltzaileen eskubideak sustatu eta babes ditzaten.

Osasun eta Kontsumo sailburuaren 2010eko otsailaren 17ko Aginduaren bidez arautzen da toki-erakundeei eta horiek sustatutako erakundeei ematen zaizkien laguntzen emakida, kontsumitzaile eta erabiltzaileen eskubideak sustatu eta babes ditzaten.

Kontsumobideko zuzendariaren 2014ko urriaren 30eko Ebazpenaren bidez, argitara eman da kontsumitzaile eta erabiltzaileen eskubideak sustatu eta babes ditzaten toki-erakundeei eta horiek sustatutako erakundeei ematen zaizkien laguntzetarako 2015eko deialdia.

20/2012 Dekretuak, Euskal Autonomia Erkidegoaren Administrazioko sailak sortu, ezabatu eta aldatzen dituenak, xedatzen du Kontsumo arloa Osasun Sailari dagokiola.

2014ko urriaren 30eko Ebazpenaren 3. artikuluan ezartzen den epearen barruan, 37 entitatek aurkeztu zuten eskabidea, 2010eko otsailaren 17ko Aginduan aurreikusten diren laguntzak jasotzeko.

Epaimahai Kalifikatzaileak, 2015eko maiatzaren 20an bilduta, aurkeztu diren eskariak aztertu eta ebaluatu ondoren, proposamen bat egin du, eta bera hartu da kontuan.

Hori dela eta, aipatutako xedapenei eta, oro har eta bereziki, aplikagarri diren gainerakoei atxikita, honako hau

XEDATZEN DUT:

1.– 859.170,51 euroko diru-laguntza ematea, Kontsumitzailearentzako Informazio Udal Bulegoen (KIUB) gastuetarako, funtzionamendua eta ekitaldiak antolatzeko, honela banatuta:

(Ikus .PDF)

2.– 4.563 euroko diru-laguntza ematea, Kontsumitzailearentzako Informazio Udal Bulego (KIUB) izango diren zentro eta zerbitzuen instalazio-, handitze- eta ekipamendu-gastuetarako, edo kokapena aldatzeko, honela banatuta:

(Ikus .PDF)

3.– 79.999,91 euroko diru-laguntza ematea, Kontsumitzailearentzako Informazio Udal Bulegoek (KIUB) ikuskapenak egiteko, honela banatuta:

(Ikus .PDF)

4.– Ukatzea Oarsoaldeak aurkeztutako eskaera, Kontsumitzailearentzako Informazio Udal Bulegorako (KIUB) zentroak eta zerbitzuak instalatu, handitu, ekipatzeko edo lekua aldatzekoa, diruz laguntzeko moduko gutxienekoa gastatu ez delako, deialdiaren aginduaren 7.4 artikuluan jaso bezala.

5.– Ebazpen honek administrazio-bidea amaitu ez duenez, haren aurka gora jotzeko errekurtsoa aurkeztu ahal izango zaio Osasun sailburuari hilabeteko epean, jakinarazpena egin eta biharamunetik aurrera.

6.– Agindu hau Euskal Herriko Aldizkari Ofizialean argitara dadila agintzea.

Vitoria-Gasteiz, 2015eko ekainaren 11.

Kontsumobide-Kontsumoko Euskal Institutuaren zuzendaria,

MARÍA ELENA BEGOÑA UNZUETA TORRE.

Azterketa dokumentala