RSS
107. zk., 2015eko ekainaren 10a, asteazkena
- Bestelako formatuak:
- PDF (202 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BARAKALDOKO LEHEN AUZIALDIKO 5 ZENBAKIKO EPAITEGIA
2551
EDIKTUA, adostasunik gabeko banantzeari buruz bideratutako 209/2013 prozeduraren ondoriozkoa.
Barakaldoko Lehen Auzialdiko 5 zenbakiko Epaitegia (Familia).
Judizioa: adostasunik gabeko banantzea. 209/2013.
Alderdi demandatzailea: H.K.
Alderdi demandatua: Azzouz Bourkabi eta Fiskaltza.
Gaia: adostasunik gabeko banantzea.
Judizio horretan ebazpena eman da eta honela dio hitzez hitz:
329/2015 EPAIA
Epailea: Ana Isabel Viaña Ranilla andrea.
Lekua: Barakaldo (Bizkaia).
Eguna: bi mila eta hamabosteko maiatzaren hemezortzia.
Alderdi demandatzailea: H.K.
Abokatua: Antonio Beneitez Rodriguez.
Prokuradorea: Manuel Hernandez Urigüen.
Alderdi demandatua: Azzouz Bourkabi eta Fiskaltza.
Abokatua.
Prokuradorea.
Judizioko gaia: adostasunik gabeko banantzea.
EPAITZA
Baietsi egiten dut H.K. andreak Azzouz Bourkabi jaunaren aurka jarri duen demanda eta horrenbestez:
I.– Alderdien ezkontza-banantzea dekretatzen dut, horrek dituen lege-ondorio guztiekin, eta alderdien eta XXXXX seme adingabearen arteko harremanak arautuko dituzten neurri hauek onesten ditut:
A) Amari esleitzen dizkiot adingabearen zaintza eta jagoletza; guraso ahala, berriz, bi gurasoena izango da. Ez da komunikazio- eta egonaldi-araubiderik ezartzen jagoletza ez duen gurasoaren alde, ez dakigulako non bizi den; jakin, ez dakigu ezta lurralde nazionalean dagoen ere.
B) Ezkontideen semearentzat mantenu-pentsio bat ezartzen dut, zaintza ez duen gurasoaren kargura, hilean kontzeptu guztiengatik jasotzen dituen diru-sarrera garbien % 25ekoa, eta, betiere, gutxienez hileko 120 eurokoa, hileko lehen bost egunetan ordaindu beharrekoa; zenbateko hori urtero eguneratuko da, Estatistikako Institutu Nazionalak aldian-aldian argitaratzen duen Kontsumoko Prezioen Indizearen aldaketen arabera, eta zenbatzen hasteko oinarri-datatzat ebazpen honen data hartuko da.
C) Seme adingabearen ezohiko gastuak, ebazpen honen zuzenbideko oinarrietan adierazitako eran, bi gurasoek ordainduko dituzte erdibana. Dena dela, premiazkoak ez diren ezohiko gastuak biek baimendu beharko dituzte. Baimena emantzat joko da, baldin eta beste alderdiak jakinarazpen fede-emailea egin eta hurrengo 10 egunetan berariazko eragozpenik jartzen ez bada (komunikazio horretan adieraziko da zer gastu egin nahi den, zergatik den beharrezkoa eta zenbatekoa den; eta dagozkion agiriak jasoko dira bertan). Eta hori guztia auzialdian sortutako kostuei buruzko berariazko erabakirik hartu gabe.
D) Ez da konpentsazio-pentsiorik adierazten.
II.– Ebazpen hau irmoa denean, jakinarazi bekio ofizioz ezkontza inskribatuta dagoen Erregistro Zibilari, orri-bazterreko oharra egin dadin. Ez da berariaz erabakirik hartzen auzialdi honetan sortutako kostuei buruz.
Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: ..... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Alderdi demandatuaren gaur egungo bizilekua edo egoitza ezezaguna denez, ediktu hau EHAAn argitaratzea erabaki du epaileak, Prozedura Zibilaren 1/2000 Legearen 156.4 eta 164. artikuluetan xedatutakoarekin bat, epaia jakinarazteko eginbidea gauza dadin.
Barakaldo (Bizkaia), 2015eko maiatzaren 19a.
IDAZKARI JUDIZIALA.
