Euskal Herriko Agintaritzaren Aldizkaria

98. zk., 2015eko maiatzaren 28a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 5 ZENBAKIKO EPAITEGIA

2349

EDIKTUA, ezkontzaz kanpoko seme-alabentzako neurrietarako 430/2014 prozeduraren ondoriozkoa.

JAKINARAZPEN ZEDULA

Bilboko Lehen Auzialdiko 5 zenbakiko Epaitegian (Bizkaia), ezkontzaz kanpoko seme-alabentzako neurrietarako 430/2014 prozedura bideratu da Luz Adriana Saa Menak eskatuta, Guido Antonio Marulanda Tenorioren aurka, adingabeko seme-alabentzako neurrien gainean. Prozedura horri dagokionez epaia eman da. Hona hemen idazpurua eta epaitza:

236/2015 EPAIA.

Epailea: Francisco Javier Osa Fernández.

Lekua: Bilbao (Bizkaia).

Eguna: bi mila eta hamabosteko apirilaren hogeita zortzia.

Alderdi demandatzailea: Luz Adriana Saa Mena.

Abokatua: Juan Carlos Diaz Rollan.

Prokuradorea: Virginia Gonzalez Ruiz.

Alderdi demandatua: Guido Antonio Marulanda Tenorio.

Abokatua.

Prokuradorea.

Judizioaren gaia: seme-alaba adingabeentzako neurriak.

EPAITZA

Partez baiesten dut Luz Adriana Saa Menak aurkeztutako demanda, auzi-ihesean den Guido Antonio Marulanda Tenorioren aurkakoa, eta, horrenbestez, adingabeko seme-alabei dagokienez, honako neurri hauek hartzea erabaki dut:

1.– Seme-alaba adingabeen zaintza eta jagoletza amari esleitzen zaizkio, eta adingabeen gaineko guraso-ahalari dagozkion ahalmenak, halaber, amak bakarrik izango ditu.

2.– Seme-alaba adingabeei eta amari esleitzen zaie familia-etxebizitzaren erabilera, bere altzari, hornidura eta guzti (Madariaga 29-3, Bilbo).

3.– Aitak seme-alabak bisitatu ahalko ditu, eta eurekin egon, guraso biek askatasunez erabakitzen duten moduan.

4.– Bi seme-alaben mantenu gisa, aitak 200 euro ordainduko dizkio hilero amari (100 euro seme-alaba bakoitzeko). Aurreratuta eta hil bakoitzaren lehenengo bost egunen barruan ordainduko ditu, auzi-jartzaileak izendatzen duen kontuan dirua sartuz; zenbateko hori urtero eguneratuko da, urtarrilaren 1etik aurrerako ondorioekin, Estatistikako Institutu Nazionalak edo hori ordezkatzen duen erakundeak argitaratutako prezioen aldaketen arabera, oinarritzat justu aurreko hamabi hilabeteak hartuz. Ordainketa egin ezean, legezko neurriak hartuko dira.

5.– Gurasoek erdibana ordainduko dituzte seme-alaben ohiz kanpoko gastuak. Halakotzat joko dira mediku-, farmazia-, optika- eta odontologia-zerbitzuek sortutako gastuak, eta Gizarte Segurantzak edo mediku-aseguru pribatu batek bere gain hartzen ez dituen gainerako medikuntza-gastuak. Halakotzat joko dira, orobat, irakasle edo tutoreek gomendatuta, ikasketa-prozesuaren indargarri eta lagungarri seme-alabek jaso behar dituzten eskola-orduen aparteko gastuak.

Gainerako gastuak –aisialdiak edo eskolak eragindakoak baina premiazkoak ez direnak, eta guraso biek erabakitakoak ez badira–, egitea erabaki duenak ordaindu beharko ditu, gasturik egin bada behintzat. Nolanahi ere, bi gurasoek aho batez hartutako erabakia izan bada, erdibana ordainduko dituzte.

Beste gurasoari kontsulta egin ezin zaion urgentziazko kasuetan izan ezik, gainerakoetan, guraso bakoitzak besteari jakinarazi beharko dio seme-alaba adingabeek dituzten aparteko premien berri, eta premia horiei erantzun beharra dagoela adierazi; horretarako, kasuan kasuko agiriak helaraziko dizkio batak besteari (gastuaren zenbatekoari buruzko aurrekontua edo informazioa). Hamabost eguneko epean erantzunik ez badago, gastua onartuta dagoela ulertuko da.

Behar bezala jasota geratzeko moduan egingo dira halako jakinarazpenak.

6.– Prozesuko izapide honetan ez da beste neurririk hartuko.

Prozedura honen izapideak egiterakoan sortutako kostuak ez zaizkio berariaz inori ezarriko.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: inpugnazioa zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4709. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Guido Antonio Marulanda Tenorio demandatuari behar bezalako jakinarazpena egiteko balio dezan ematen eta sinatzen dut hau, Bilbon (Bizkaia), bi mila eta hamabosteko apirilaren hogeita zortzian.

IDAZKARIA.

Azterketa dokumentala