Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

95. zk., 2015eko maiatzaren 25a, astelehena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

INGURUMEN ETA LURRALDE POLITIKA SAILA
2285

IRAGARKIA, parte-hartze publikoaren prozesua barnean hartuta, Donostialdea-Bidasoa Beherea eremu funtzionaleko paisaiaren katalogoa eta zehaztapenak idazteko zerbitzua lizitatzeko dena (015SV/2015 espedientea).

1.– Entitate esleitzailea.

a) Erakundea: Ingurumen eta Lurralde Politika Saileko Zerbitzu zuzendaria.

b) Espedientea izapidetzen duen bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 015SV/2015.

2.– Kontratuaren ezaugarriak.

a) Helburua: Donostialdea-Bidasoa Beherea eremu funtzionaleko paisaiaren katalogoa eta zehaztapenak idaztea, parte-hartze publikoaren prozesua barnean hartuta.

b) Loteetan banatzea eta kopurua: ez da loteetan banatu.

c) Burutzeko lekua: kontratistaren egoitza.

d) Burutzeko epea: 15 hilabete.

3.– Izapideak, prozedura eta esleitzeko modua.

a) Izapideak: arrunta.

b) Prozedura: irekia.

c) Esleitzeko modua: hainbat irizpide.

4.– Lizitazioaren oinarrizko aurrekontua: laurogeita hemeretzi mila ehun eta hirurogeita hamahiru euro eta berrogeita hamabost zentimo (99.173,55) gehi BEZari dagozkion hogei mila zortziehun eta hogeita sei euro eta berrogeita bost zentimo (20.826,45). Beraz, guztira, ehun eta hogei mila (120.000) euro.

5.– Behin-behineko bermea: ez dago jarri beharrik.

6.– Agiriak eta argibideak lortzeko:

a) Entitatea: Eusko Jaurlaritza. Ingurumen eta Lurralde Politika Saila.

b) Helbidea: Donostia kalea, 1.

c) Herria eta posta-kodea: 01010 Vitoria-Gasteiz.

d) Telefonoa: 945 01 98 26.

e) Agiriak eta argibideak eskuratzeko azken eguna: 2015eko ekainaren 9a.

f) Kontratu honi buruzko informazio guztia webgune honetan eskura daiteke: www.contratacion.info edo www.euskadi.eus/contratacion

7.– Kontratistaren berariazko betekizunak:

Eskatutako sailkapena: ez.

Kaudimenari buruzko betekizunak eta egiaztatzeko modua:

A) Ekonomia- eta finantza-kaudimena: urteko negozioen guztizkoaren gaineko adierazpena, azken hiru urteei dagokienez. Urte bakoitzean, kontratuaren lizitazio-aurrekontuaren % 50eko bolumena egiaztatu behar du, gutxienez.

B) Kaudimen teknikoa:

a) Azken bost urteetan egindako zerbitzu nagusien edo lanen zerrenda aurkeztu beharko dute enpresek, lan edo zerbitzu horien zenbatekoa, datak eta onuradunak (publikoak nahiz pribatuak) zehaztuko dituena. Zerbitzuak egiaztatzeko organo eskudunak egindako edo bisaturiko ziurtagiriak aurkeztu beharko dira hartzailea sektore publikokoa izan bada; eta pertsona pribatua bada, pertsona horrek egindako ziurtagiria edo enpresaburuaren aitorpena. Azken 5 urteetan, gutxienez, horrelako bi lan egin direla egiaztatu beharko da.

b) Lan-taldea osatuko duten pertsonen zerrenda eta horien titulua edo Elkargoaren ziurtagiria zein curriculumak. Gutxieneko lan-taldea honako hau izango da:

b.1.– Goi-mailako Arkitektura edo Bide, ubide eta portuetako Ingeniaritzako titulazioa (edo gradu baliokideak) duen pertsona, lurralde-plangintzan edo hirigintzan eskarmentua duena.

b.2.– Geografiako titulua duen pertsona, arlo horretan lan-eskarmentua duena; eta hain zuzen, paisaiaren geografiarekin lotuta dauden esparruetan.

b.3.– Nekazaritza edo ingurumen-arloetan aditua den teknikaria. Pertsona horrek honako titulu hauetako bat izan behar du: Goi-mailako Nekazaritza Ingeniaritza, Mendi Ingeniaritza, Biologia edo Ingurumen Zientziak.

b.4.– Parte-hartze publikoaren pertsona arduradunak honako titulu hauetako bat izan behar du: Ekonomia eta Enpresa Zientzietako lizentziatura, Politika zientzietako eta soziologiako lizentziatura, Informazio zientzietako lizentziatura (edo gradu baliokideak).

Parte-hartze publikoaren arduradunak zein eskatutako gutxieneko talde teknikoko kide batek euskara maila nahikoa izan behar dute, lana euskaraz egitea ahalbidetzen duen maila, hain zuzen ere.

8.– Eskaintzak edo parte hartzeko eskabideak aurkeztea.

a) Agiriak aurkezteko azken eguna: 2015eko ekainaren 10a, 12:00ak baino lehen.

b) Aurkeztu beharreko dokumentazioa: administrazio-klausula zehatzen agirian adierazten direnak.

c) Eskabideak aurkezteko lekua:

c.1.– Elektronikoki lizitatuz gero, honako web orriaren bidez aurkez daitezke: www.contratacion.info edo www.euskadi.eus/contratacion

c.2.– Paperean lizitatuz gero, honako leku honetan:

1) Erakundea: Ingurumen eta Lurralde Politika Saila.

2) Helbidea: eskuan eraman beharko dira Ingurumen eta Lurralde Politika Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zein egunetan jarri den, egun berean (eta betiere eskaintzak aurkezteko muga-ordua baino lehen) kontratazio organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira edo eskaintza bidali izanaren jakinarazpenak eskaintzak jasotzeko finkatutako epea amaitutakoan jasotzen badira, ez dira onartuko. Nolanahi ere, eskaintza postaz bidali, eta hamar egun naturaleko epean jasotzen ez bada, inolaz ere ez da onartuko.

3) Herria eta posta kodea: 01010 Vitoria-Gasteiz, Araba, Espainia.

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera kontatuta.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxienezko edo gehienezko kopurua: ez dago horrelakorik.

9.– Esleitzeko irizpideak:

a) Formulak aplikatuz automatikoki ebaluatzekoak diren irizpideak. Ponderazioa, guztira: 70 puntu.

Eskaintza ekonomikoa. Ponderazioa: 70 puntu. Formula: ikus karatularen 30.1.a puntua.

b) Balio-judizioetan oinarrituta aplikatu behar diren irizpideak: ponderazioa, guztira: 30 puntu.

A) Baldintza Teknikoen Agiriak azaldutako lan-metodologian sakontzea eta BTAren 3. atalak zehaztutako edukiak oinarri hartuta lortutako azterketa-maila. Ponderazioa: 10 puntu.

B) Paisaien Katalogoa egiteko metodologia eremu funtzionalera aplikatzeari buruzko diagnosia. Ponderazioa: 10 puntu.

C) Parte-hartze publikoaren prozesuan aplikatuko den metodologia. Ponderazioa: 10 puntu.

10.– C gutun-azalak irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz, Araba, Espainia.

c) Data: 2015eko ekainaren 19a.

d) Ordua: 11:00.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

11.– B gutun-azalak irekitzea (formulen bidez baloratu beharreko irizpideak) irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz (Araba).

c) Data: 2015eko ekainaren 30a.

d) Ordua: 11:00.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

12.– Bestelako argibideak: ez.

13.– Iragarpen-gastuak: enpresa esleipendunaren kontura.

14.– Iragarkia noiz bidali den Europar Batasunaren Aldizkari Ofizialera: ez dago horrelakorik.

15.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.net/contratacion

Vitoria-Gasteiz, 2015eko maiatzaren 18a.

Zerbitzu zuzendaria,

JOSÉ IGNACIO BAÑUELOS IBÁÑEZ.


Azterketa dokumentala