RSS
95. zk., 2015eko maiatzaren 25a, astelehena
- Bestelako formatuak:
- PDF (319 KB - 17 orri.)
- EPUB (1200 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HERRI ADMINISTRAZIO ETA JUSTIZIA SAILA
2276
EBAZPENA, 2014ko urriaren 29koa, Toki Administrazioekiko Harremanetarako eta Administrazio Erregistroetako zuzendariarena, joan den apirilean Elkarteen Erroldan egin diren inskripzioak eta bestelako oharrak argitaratzeko dena.
Euskal Autonomia Erkidegoko Elkarteei buruzko ekainaren 22ko 7/2007 Legearen 12.2, 29., 38., 39. eta 40. artikuluetan xedatutakoaren ondorioetarako, eta Euskal Autonomia Erkidegoko Elkarteen Errolda Nagusiaren Erregelamendua onartzen duen uztailaren 29ko 145/2008 Dekretuaren 3.2 artikuluan xedatutakoarekin bat.
Uztailaren 29ko 145/2008 Dekretuaren bitartez onartu egiten da Euskal Autonomia Erkidegoko Elkarteen Errolda Nagusiaren Erregelamendua. Bada, dekretu horretako 4.2 artikuluak esleitzen dizkion ahalmenez baliaturik, eta Herri Administrazio eta Justizia Sailaren egitura organikoa eta funtzionala finkatzen duen otsailaren 23ko 57/2010 Dekretuaren 5. artikuluari loturik (dekretu horrek 26. artikulua gehitzen dio 472/2009 Dekretuari), Toki Administrazioekiko Harremanetarako eta Administrazio Erregistroetako zuzendaritza honek honako hau
EBAZTEN DU:
Lehenengoa.– Argitaratzea Elkarteen Erroldan apirilean inskribatu diren elkarteen zerrenda, Euskal Herriko Agintaritzaren Aldizkarian, ebazpen honen I. eranskinean agertzen diren moduan. Eranskin horretan, elkartearen egoitza, lurralde-eremua eta hurrenkera zenbakia adierazten dira.
Bigarrena.– Argitara ematea erroldatuta dauden baina aldaketak izan dituzten elkarte edota federazioen zerrendak, erroldak duen funtsezko oinarrietako bat publikotasun-printzipioa delako, eta elkarteei eragiten dieten egoerez jende oro jakitun izan dadin. Aldaketak jadanik erroldari jakinarazi zaizkio, bertan jasota geratzeko edota hirugarrenentzako ondorioetarako. Zerrenda horiek aurreko paragrafoan adierazitako aipamen berberak jasoko dituzte, II., III., IV. eta V. eranskinetan aipatzen direnak, hain zuzen ere.
Vitoria-Gasteiz, 2014ko urriaren 29a.
Toki Administrazioekiko Harremanetarako eta Administrazio Erregistroetako zuzendaria,
ELIXABETE ETXANOBE LANDAJUELA.
