Euskal Herriko Agintaritzaren Aldizkaria

83. zk., 2015eko maiatzaren 7a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

SEGURTASUN SAILA

1988

IRAGARKIA, Polizia eta Larrialdietako Euskal Akademiaren berogailurako C gasolioa eskuratzeko lizitazioari buruzkoa (Espedientea: 012/15).

1.– Entitate esleitzailea.

a) Erakundea: Polizia eta Larrialdietako Euskal Akademia.

b) Espedientea izapidetzen duen bulegoa: Polizia eta Larrialdietako Euskal Akademiako Kontratazio eta Aurrekontu Atala.

c) Espediente-zenbakia: 012/15.

2.– Kontratuaren ezaugarriak.

a) Xedea deskribapena: iragarki honen idazpuruan zehaztutakoa.

b) Loteak: ez.

c) Gauzatzeko lekua: esleipendunaren bulegoetan.

3.– Izapideak, prozedura eta esleitzeko era.

a) Izapideak: ohikoak.

b) Prozedura: irekia.

c) Esleitzeko era: zenbait esleipen-irizpide.

4.– Lizitaziorako oinarrizko aurrekontua.

Guztira: bostehun eta hogeita bost mila (525.000,00) euro, % 21eko BEZa barne.

5.– Fidantzak.

Behin betikoa: lizitaziorako oinarrizko aurrekontuaren % 5, BEZik gabe (21.694,21) euro.

6.– Agiriak eta argibideak.

a) Erakundea: Polizia eta Larrialdietako Euskal Akademia.

b) Helbidea: N-104 errepidea, 356. km.

c) Herria eta posta-kodea: Arkauti 01192.

d) Telefonoa: 945 77 34 51.

e) Telefaxa: 945 28 23 62.

f) Helbide elektronikoa: contratacionappv@hsdi.ej-gv.es; aecheandia@hsdi.ej-gv.es

g) Agiriak eta argibideak eskuratzeko azken eguna: 2014ko maiatzaren 26a.

7.– Kontratistaren betebeharrak.

Lizitatzaileak gaitasun teknikoa eta ekonomia- eta finantza-kaudimena egiaztatu beharko ditu. Ekonomia- eta finantza-kaudimena egiaztatzeko, kontratu honetarako finantza-erakunde batek berariaz egindako txostena aurkeztu beharko da, lizitaziorako oinarrizko aurrekonturako kaudimena egiaztatzen duena.

Gaitasun teknikoa egiaztatzeko, azken hiru urteetan egindako hornidura behinenen zerrenda aurkeztu beharko da, kontratuaren xedearen izaera bera eta antzekoa duten hornidurena, alegia, eta, han, zenbatekoak, datak eta hartzaile publiko edo pribatuak zehaztu beharko dira; hornidura horietako batek bederatziehun mila (900.000,00) eurotik gorakoa izan beharko du.

Ingurumen-kalitateari buruzko ziurtagiriak edo enpresan ingurumen-kontroleko neurriak hartu direla egiaztatzen duten agiriak ere aurkeztu beharko dira (enpresak egiaztatu beharko du ingurumen-kontroleko ziurtagiria eskuratzeko bidean dagoela, enpresan onartu eta erabiltzen diren ingurumen-kontroleko neurriak edo prozedurak aurkeztu beharko ditu, eta abar).

Lizitatzaileek, halaber, honako hauek aurkeztu beharko dituzte «A» gutun-azalean (Gaitasuna eta Kaudimena): zerbitzua emateko erabiliko dituzten makinak eta ekipamendu teknikoak zehazten dituen adierazpen bat; horrekin batera, baliabide horiek aplikagarria zaien segurtasun-araudira egokituta daudela egiaztatzen duen dokumentazioa –besteak beste, 1435/1992 Errege Dekretura, makinei buruzko Europako zuzentarautik eratorritako gainerako arauetara eta laneko ekipamenduak erabiltzeari buruzko 1215/1997 Dekretura egokituta daudela egiaztatu behar da–, eta, gainera, urtebetetik gorako antzinatasuna duten besteren kamioien nahiz kamioi propioen kontagailuen kalibrazioei buruzko ziurtagiriak eta kontagailuak egiaztatu dituen enpresaren baimenaren kopia.

Enpresa lizitatzaileek, orobat, inskribatuta egon beharko dute txikizkako banaketako Operatzaileen Erregistro Nagusian (Hidrokarburoen Sektoreari buruzko urriaren 7ko 34/1997 Legearen 43. eta 44. artikuluak).

8.– Esleitzeko irizpideak.

a) Eskaintza ekonomikoa (preziorik merkeena): 90 puntu.

Kontratua indarrean dagoen bitartean, honela kalkulatuko da hornidurei aplikatuko zaien litroko prezioa: C gasolioaren nazioarteko kotizazio-prezioari honako hauek gehituko zaizkio: lizitatzaileak eskainitako Prima Finkoa, zerga bereziak, txikizkako salmenten gaineko zerga eta BEZa, betiere formula honi jarraituz:

Amaierako Prezioa = (NK / DT) * D / 1.000 + PF + ZB + TSZ + BEZ

Azalpena:

NK: High CifNW Nazioarteko Kotizazioa, Platt’s European Marketscan-ek ezarritakoari jarraituz: hornidura egiten den egunaren aurreko asteko batez bestekoa izango da (ostiraletik ostegunera).

DT: euro-dolar dibisa-trukearen balioa: hornidura egiten den egunaren aurreko asteko batez bestekoa izango da.

D: Gasolioaren Dentsitatea; 0,855 izango da.

PF: Prima Finkoa, lizitatzaileak eskainia; nazioarteko kotizazioari (euroak/litroak) gehituko zaio. Prima Finko hau izango da lizitatzaileak eskaintza ekonomikoan eskainiko duen kontzeptu bakarra, eta barnean hartuko ditu etekin industriala eta horniduraren guztirako kostuak, honako hauek barne direla: biltegiratze-gastuak, garraiokoak, deskarga-lanetakoak, baimenak eta zergak, istripu-aseguruak eta erantzukizun zibila, gizarte-segurantza eta abar, BEZa alde batera utzita, eta, betiere hornigaia zuzenean destinoan entregatzeko baldintzapean. Ez da inoiz kostu gehigarririk aplikatuko garraioa, distantzia, zehaztutako biltegiaren kokapen geografikoa edo beste edozein arrazoi dela-eta.

ZB: zerga sozialak, gasolioari aplikatzen zaizkionak.

TSZ: txikizkako salmenten gaineko zerga.

BEZa: balio Erantsiaren gaineko Zerga.

Prima Finko merkeena eskaintzen duen lizitatzaileari emango zaio atal honetako puntuazio gorena (90 puntu), eta, gainerakoei, berriz, formula aplikatuta ateratzen den puntuazio proportzionala:

Puntuazioa: eskaintzarik merkeena / lizitatzailearen eskaintza X atal honetan banatu beharreko puntu kopurua.

b) Entregatzeko epea: 10 puntu.

Orduak zehaztuta adieraziko da epea, eta entregatzeko epe laburrenari emango zaio puntuazio gorena (10 puntu). Gainerakoei puntuazio proportzionala emango zaie eskaintzaren arabera, eta, horretarako, aurreko puntuan azaldutako formula aplikatuko da. 72 orduko gehieneko epea gainditzen duten eskaintzak ez dira puntuatuko.

9.– Eskaintzak edo parte hartzeko eskabideak aurkeztea:

a) Aurkezteko azken eguna: 2015eko maiatzaren 26ko 10:00ak baino lehen.

b) Aurkeztu beharreko agiriak: bi gutun-azal aurkeztu behar dira («A» eta «B»), administrazio-klausula zehatzen pleguan zehaztutako edukia dutela, eskura emanda edo administrazio-klausula zehatzen pleguaren 12.3 puntuko azken paragrafoan zehaztutako eran.

c) Aurkezteko lekua:

1) Entitatea: Polizia eta Larrialdietako Euskal Akademia.

2) Helbidea: Eskura aurkeztuko dira Polizia eta Larrialdietako Euskal Akademiaren egoitzan (N-104 errepidea, 356. km), edo postaz bidaliko dira, aipatutako onarpen-epean. Bidalketa zer egunetan egin zen justifikatu beharko da posta-bulegoan, eta kontratazio-organoari telex, telefax edo telegrama bidez iragarri beharko zaio eskaintza bidali zaiola. Eskakizun bi horiek betetzen ez badira, edo eskaintzak jasotzeko finkatutako epea eta ordua amaitu ondoren jasotzen bada eskaintza bidali izanaren jakinarazpena, eskaintza ez da onartuko. Nolanahi ere, jakinarazpenean adierazitako egunetik hamar egun igaro ondoren eskaintzak jaso ez badira, ez dira inola ere onartuko.

3) Herria eta posta-kodea: Arkauti 01192.

d) Lizitatzaileak zenbat denbora eutsi behar dion bere eskaintzari (lehiaketa): 2 hilabete.

e) Aldaerak: ez dira onartuko.

10.– Eskaintzak irekitzea:

a) Eskaintza ekonomikoa irekitzea eta formulak aplikatuz automatikoki baloratzen diren irizpideak.

1) Entitatea: Polizia eta Larrialdietako Euskal Akademia.

2) Helbidea: N-104 errepidea, 356. km.

3) Herria eta posta-kodea: Arkauti 01192.

4) Eguna: 2015eko ekainaren 2a.

5) Ordua: 12:00ak.

11.– Bestelako argibideak.

Argibide administratiboak: Polizia eta Larrialdietako Euskal Akademia.

Informazio teknikoa: Polizia eta Larrialdietako Euskal Akademia.

12.– Iragarkien gastuak: Esleipendunak ordainduko ditu.

Vitoria-Gasteiz, 2015eko apirilaren 13a.

Kontratazio mahaiko lehendakaria,

FAUSTINO RANEDO GÓMEZ.

Azterketa dokumentala