Euskal Herriko Agintaritzaren Aldizkaria

76. zk., 2015eko apirilaren 24a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

1854

EDIKTUA, adostasunik gabeko dibortzioari buruz bideratutako 1081/2013 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: 1081/2013, adostasunik gabeko dibortzioa.

Alderdi demandatzailea: Agathe Bijoux Nodoumbe Yakova.

Alderdi demandatua: Salvador Castillo Mbuambay.

Auzigaia: adostasunik gabeko dibortzioa.

Aipatu judizioan epaia eman da, zeinaren epaitza honako hauxe baita:

655/2014 EPAIA

Epailea: Ana Isabel Viaña Ranilla.

Lekua: Barakaldo (Bizkaia).

Bi mila eta hamalauko urriaren hogeita hamaika.

Alderdi demandatzailea: Agathe Bijoux Nodoumbe Yakova.

Abokatua: Maria Jesus Real Flores.

Prokuradorea: Carmen Miral Oronoz.

Alderdi demandatua: Salvador Castillo Mbuambay.

Abokatua.

Prokuradorea.

Judizioko gaia: adostasunik gabeko dibortzioa.

EPAITZA

Partez baiesten dut Agathe Bijoux Ndoumbe Yakova andreak Salvador Castillo Mbuambay jaunaren aurka aurkeztutako demanda. Horrenbestez, alderdien arteko ezkontza-lotura, dibortzioa dela-eta, deseginda dagoela dekretatzen dut, deklarazio horrek berekin dakartzan legezko ondorio guztietarako. Horretaz gainera, honako neurri hauek onartzen ditut, alderdien eta XXXXX eta XXXXX adingabeko seme-alaben arteko harremanak arautzeko:

A) Seme-alaba adingabeen zaintza eta jagoletza amari esleitzen dizkiot, guraso ahala, berriz, bi gurasoena izango da. Ez da komunikazio- eta egonaldi-araubiderik ezartzen zaintza ez duen gurasoaren alde.

B) Ezkontzako seme-alaben aldeko mantenu-pentsio bat ezartzea, zaintza ez duen gurasoaren kargura, hilean kontzeptu guztiengatik jasotzen dituen diru-sarrera likido guztien % 30ekoa, eta, betiere, gutxienez hileko 150 eurokoa seme-alaba bakoitzeko (300 euro); hileko lehen bost egunetan ordaindu beharko du pentsioa. Zenbateko hori urtero eguneratuko da, Estatistikako Institutu Nazionalak aldian-aldian argitaratzen duen Kontsumoko Prezioen Indizearen aldaketen arabera, eta zenbatzen hasteko oinarri-datatzat ebazpen honen data hartuko da.

C) Semen-alaba adingabeen ezohiko gastuak, bi gurasoek ordainduko dituzte erdibana, ebazpen honen zuzenbideko oinarrietan adierazitako eran. Dena dela, premiazkoak ez diren ezohiko gastuak biek baimendu beharko dituzte. Baimena emantzat joko da, baldin eta beste alderdiak jakinarazpen fede-emailea egin eta hurrengo 10 egunetan berariazko eragozpenik jartzen ez bada (komunikazio horretan adieraziko dira zer gastu egin nahi den eta zergatik den beharrezkoa eta zenbatekoa den; eta dagozkion agiriak jasoko dira bertan). Eta hori guztia, auzialdian sortutako kostuei buruzko berariazko erabakirik hartu gabe.

Ebazpen hau irmoa denean, jakinarazi bekio ofizioz Erregistro Zibilari, orri-bazterreko oharra egin dadin. Ez da berariaz erabakirik hartzen auzialdi honetan sortutako kostuei buruz.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da:.............Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi da, epaia jakinarazteko eginbidea gauza dadin.

Barakaldo (Bizkaia), 2015eko martxoaren 23a.

IDAZKARI JUDIZIALA.

Azterketa dokumentala