76. zk., 2015eko apirilaren 24a, ostirala
- Bestelako formatuak:
- PDF (166 KB - 1 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA, HIZKUNTZA POLITIKA ETA KULTURA SAILA
1852
49/2015 DEKRETUA, apirilaren 14koa, Vitoria-Gasteizen Haur eta Lehen Hezkuntzako ikastetxe bat sortzeko.
Vitoria-Gasteiz hazten ari da. Ondorioz, auzo berriak sortzen dira eta biztanleak auzo horietara joaten dira bizitzera. Beraz, ikastetxe gehiago sortu behar da, inguru horietan bizi diren herritarren hezkuntza-premiei erantzuteko.
Ikastetxeak sortzea, kentzea eta aldatzea hezkuntza-administrazioei dagokie, Hezkuntza eskubidea arautzen duen urriaren 3ko 8/1985 Lege Organikoak eta Euskal Eskola Publikoari buruzko otsailaren 19ko 1/1993 Legeak xedatutakoari jarraikiz.
Horregatik, Hezkuntza, Hizkuntza Politika eta Kultura sailburuak proposatuta, eta Jaurlaritzaren Kontseiluak 2015eko apirilaren 14an egindako bilkuran aztertu eta onartu ondoren, honako hau
ERABAKITZEN DUT:
1. artikulua.– Vitoria-Gasteizen Haur eta Lehen Hezkuntzako ikastetxe hau sortzea:
CEIP Aldaialde HLHI
Kod. 010617.
Kod. 01007646.
2. artikulua.– Ikastetxea 2015eko uztailaren 1ean jarriko da abian.
3. artikulua.– Ikastetxe horretako lanpostuak maisu-maistren kidegoko 2015-2016ko ikasturteko lanpostuen zerrendetan argitaratuko dira.
AZKEN XEDAPENA
Dekretu hau indarrean jarriko da Euskal Herriko Agintaritzaren Aldizkarian argitaratu eta biharamunean.
Vitoria-Gasteizen, 2015eko apirilaren 14an.
Lehendakaria,
IÑIGO URKULLU RENTERIA.
Hezkuntza, Hizkuntza Politika eta Kulturako sailburua,
CRISTINA URIARTE TOLEDO.