RSS
61. zk., 2015eko martxoaren 31, asteartea
- Bestelako formatuak:
- PDF (191 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DURANGOKO LEHEN AUZIALDIKO ETA INSTRUKZIOKO 1 ZENBAKIKO EPAITEGIA
1478
EDIKTUA, 300/2013 prozedura arruntaren ondoriozkoa.
JAKINARAZPEN ZEDULA
Durangoko (Bizkaia) Lehen Auzialdiko 1 zenbakiko Epaitegian, 300/2013 prozedura arrunta bideratu da, Roman Marzana Larramendi jaunak eskatuta, Antonio Muruaren jaraunsleen eta Antonio Muruaren jaso gabeko jarauntsiaren aurka. Prozedura horren gainean epaia eman da. Hona hemen idazpurua eta epaitza:
30/2015 EPAIA
Epailea: Leticia Badiola Perez andrea.
Lekua: Durango (Bizkaia).
Eguna: bi mila eta hamabosteko otsailaren hogeita hirua.
Alderdi demandatzailea: Roman Marzana Larramendi.
Abokatua: Roman Marzana Larramendi.
Prokuradorea: Fco. Javier Aguirreurreta Bilbao.
Alderdi demandatua: Antonio Muruaren jaraunsleak eta Antonio Muruaren jaso gabeko jarauntsia.
Abokatua.
Prokuradorea.
Judizioko gaia: eskuratze-preskripzioa.
EPAITZA
Baiesten dut Aguirreurreta prokuradoreak, Román Marzana Larramendi jaunaren izenean eta ordez jarri duen demanda, Antonio Muruaren jaso gabeko jarauntsiaren aurka.
1.– Deklaratzen dut Elorrioko Julián Ariño kalean kokatuta dagoen lursaila Román Marzana Larramendi jaunarena dela –indarrean dauden arau subsidiarioen arabera 3.10 sektorean, eta onartzeko fasean dagoen HAPO Hiri Antolamenduko Plan Orokorraren arabera 3.5.3 E.U.an–, lursail hori jabe gisa mantendu eta erabili duelako, publikoki, modu baketsuan eta etengabe, 30 urte baino gehiagoz. Herriaren erdigunetik 500 metro linealetara dago lursaila, ekialdera. Mugak: iparraldean, 26.65 metro linealez, herri-bidea (Julian Ariño kalea); hegoaldean, 22,40 metro linealez, Gregorio Larramendi Sagastaren lursaila; ekialdean, 16,02 metro linealez, parke publikoa, eta mendebaldean, 13,77 metro linealez, Eroski, S. Coop. kooperatiba.
2.– Epai hau lursail hori Durangoko jabetza-erregistroan inskribatzeko gaitzen duen titulu deklaratzen da, Román Marzana Larramendi demandatzailearen izenean.
Alderdi demandatuari ezartzen zaizkio kostuak.
Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den eta zein erabaki aurkaratzen diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (4760 0000 04 0300 13) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Eta Antonio Muruaren jaraunsleei eta Antonio Muruaren jaso gabeko jarauntsiari behar bezalako jakinarazpena egiteko balio dezan ematen eta sinatzen dut ediktu hau, Durangon (Bizkaia), 2015eko otsailaren 23an.
IDAZKARIA.
