RSS
61. zk., 2015eko martxoaren 31, asteartea
- Bestelako formatuak:
- PDF (196 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 6 ZENBAKIKO EPAITEGIA
1476
EDIKTUA, ezkontzaz kanpoko seme-alabentzako neurrietarako 579/2014 prozeduraren ondoriozkoa.
Bilboko Lehen Auzialdiko 6 zenbakiko Epaitegia (Familia).
Judizioa: ezkontzaz kanpoko seme-alabentzako neurriak (579/2014).
Alderdi demandatzailea: Sintija Pormale.
Alderdi demandatua: Oskars Ozols.
Gaia: ezkontzaz kanpoko seme-alabentzako neurriak.
Judizio horretan, ebazpena eman da, eta honela dio hitzez hitz:
141/2015 EPAIA
Epailea: Isabel Elexpuru Eguia andrea.
Lekua: Bilbao (Bizkaia).
Eguna: bi mila eta hamabosteko martxoaren bederatzia.
Alderdi demandatzailea: Sintija Pormale.
Abokatua: Fabiola Alberdi Peña.
Prokuradorea: Sheila Soto Lopez de Letona.
Alderdi demandatua: Oskars Ozols.
Alderdi parte-hartzailea: Fiskaltza.
Auzigaia: seme adingabearekiko neurri ekonomikoak eta pertsonalak hartzea.
EPAITZA
Partez baiesten dut Soto Lopez de Letona prokuradoreak, Sintija Pormale-ren izenean eta ordez, seme-alaba adingabeentzako neurri pertsonalak eta mantenu-neurriak hartzeko eskatuz aurkeztutako demanda, seme-alaba horien aita Oskars Ozols-en aurkakoa, auzi-iheslaria bera. Fiskaltza ere parte izan da. Horrenbestez, XXXXX eta XXXXX adingabeei dagokienez, honako neurri pertsonal eta mantenu-neurri hauek hartzen ditut:
1.- XXXXX eta XXXXX adingabeen zaintza eta jagoletza Sintija Pormale amari ematen dizkiot, eta amari bakarrik ematen diot, halaber, guraso-ahala.
2.– Oskars Ozols-ek, XXXXX eta XXXXX seme-alabentzako mantenu-pentsio gisa, edozein kontzepturengatik jasotako hileko sarrera garbien % 25 ordainduko du, eta, betiere, gutxienez 200 euro, hau da, 100 euro seme-alaba bakoitzeko. Guraso jagoleak horretarako zehazten duen bankuko kontuan sartuko du zenbateko hori, hileko lehenengo bost egunetan. Urtero areagotu beharko da hileko gutxieneko zenbateko hori, betiere Estatistikako Institutu Nazionalak argitaratutako Kontsumoko Prezioen Indizean izandako aldakuntzarekin bat etorriz.
3.– Bien seme-alabek izaten dituzten aparteko gastuak, bi gurasoek ordainduko dituzte, erdibana, epai honen zuzenbideko bigarren oinarrian aparteko gastuei buruz ezarritakoa aintzat hartuta.
4.– Ez da bisita-erregimenik ezartzen seme-alaba eta aitaren artean. Hala ere, adingabeen eta zaintza ez duen gurasoaren arteko telefono bidezko noizbehinkako komunikazioari eutsiko zaio eta komunikazio hori sustatuko da.
Ez da kosturik ezartzen.
Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den eta zein erabaki aurkaratzen diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Alderdi demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi da, epaia jakinarazteko eginbidea gauza dadin.
Bilbao (Bizkaia), 2015eko martxoaren 11.
IDAZKARI JUDIZIALA.
