RSS
44. zk., 2015eko martxoaren 5a, osteguna
- Bestelako formatuak:
- PDF (194 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 1 ZENBAKIKO EPAITEGIA
1080
EDIKTUA, 1451/2013 prozedura arruntaren ondoriozkoa.
Vitoria-Gasteizko Lehen Auzialdiko 1 zenbakiko Epaitegia – Zuzeneko Laguntza Zibila emateko Unitate Prozesala.
Judizioa: 1451/2013 prozedura arrunta.
Alderdi demandatzailea: Vitoria-Gasteizko Manuel Iradier kaleko 11. zenbakiko Jabeen Erkidegoa.
Alderdi demandatua: Construcciones Hierro Lopez de Arbina, S.A. eta Manuel Antonio Martin Suñe.
Gaia.
Aipatutako judizioan, ebazpena eman da; hona hemen testua hitzez hitz:
35/2015 EPAIA
Epailea: Belen Ballestin Castillo.
Lekua: Vitoria-Gasteiz.
Eguna: bi mila eta hamabosteko otsailaren hamarra.
Alderdi demandatzailea: Vitoria-Gasteizko Manuel Iradier kaleko 11. zenbakiko Jabeen Erkidegoa.
Abokatua: Leire Jimenez Vizcaino.
Prokuradorea: Azucena Rodríguez Rodríguez.
Alderdi demandatua: Construcciones Hierro Lopez de Arbina, S.A. eta Manuel Antonio Martin Suñe.
Abokatua.
Prokuradorea.
Judizioaren gaia: kontratuak oro har.
Belén Ballestin Castillo andreak, Gasteizko Lehen Auzialdiko 1 zenbakiko Epaitegiko magistratuak, 1451/2013 prozedura arrunteko auto hauek ikusi ditu, epaitegi honetan bideratuak. Autoak Vitoria-Gasteizko Manuel Iradier kaleko 11. zenbakiko Jabeen Erkidegoak abiarazi ditu, Azucena Rodriguez prokuradoreak ordezkatuta, auzi-ihesean Construcciones Hierro Lopez de Arbina, S.A.ren aurka.
EPAITZA
Vitoria-Gasteizko Manuel Iradier kaleko 11. zenbakiko Jabeen Erkidegoaren izenean eta ordez, epaitegietako Azucena Rodriguez prokuradoreak aurkeztutako demanda baietsi egiten dut, eta, hortaz, Construcciones Hierro Lopez de Arbina, S.A. honako hauetara kondenatzen dut:
A) Parteak lotzen zituen errentamendu-kontratua suntsitua dela deklaratzen du, hain justu ere demandatuak ez-betetze larria egin baitu.
B) Ondorioz, auzi-jartzaileari honako hauek itzultzera kondenatzen da demandatua: 13.860 euro, Kode Zibileko 1108 artikuluan aurreikusi interesarekin gehituta demanda aurkeztu zenetik hara.
C) Construcciones Hierro Lopez de Arbina, S.A.ri berariaz ezartzen zaizkio prozesuko kostuak.
Aurkaratzeko modua: apelazio-errekurtsoa aurkeztuta, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan (0009 0000 22 145113). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Gasteizen, bi mila eta hamabosteko otsailaren hamarrean.
Alderdi demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.
Vitoria-Gasteiz, 2015eko otsailaren 12a.
IDAZKARI JUDIZIALA.
