Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

44. zk., 2015eko martxoaren 5a, osteguna


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GERNIKA-LUMOKO LEHEN AUZIALDIKO ETA INSTRUKZIOKO 1 ZENBAKIKO EPAITEGIA
1076

EDIKTUA, 370/2012 hitzezko judizioaren ondoriozkoa.

JAKINARAZPEN ZEDULA

Vitoria-Gasteizko Lehen Auzialdiko 1 zenbakiko Epaitegian, 370/2012 hitzezko judizioa bideratu da, Juan Tomas Elorriaga Echevarri jaunak eskatuta, Juan Zalloechevarria Olazar eta Angela Zalloechevarria Olazar jaun-andreen aurka. Prozedura horren gainean, epaia eman da. Hona hemen idazpurua eta epaitza, kopiatuta:

21/2015 EPAIA

Epailea: Rebeca Huertos Domingo andrea.

Lekua: Gernika-Lumo (Bizkaia).

Eguna: bi mila eta hamabosteko otsailaren hamabia.

Alderdi demandatzailea: Juan Tomas Elorriaga Echevarri.

Abokatua: Ismael Oar-Arteta Undabeitia.

Prokuradorea: María Cruz Celaya Ulibarri.

Alderdi demandatua: Juan Zalloechevarria Olazar eta Angela Zalloechevarria Olazar.

Judizioko gaia: eskubide errealak.

Espainiako Erregearen izenean, eta Espainiako herriak berea duen justizia administratuz, epaia eman dut, eta hauxe da horren epaitza.

EPAITZA

Ezesten dut Juan Tomas Elorriaga Echevarri jaunaren ordezkaritza prozesalak aurkeztutako demanda.

Kostuak ordaintzera ere kondenatzen dut berariaz.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (4768 0000 03 0370 12) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Alderdi demandatzaileari ez zaio apelazio-errekurtsoa onartuko, baldin eta idatziz adierazten ez badu epemugatutako errentak eta kontratuaren arabera aurretiaz ordaindu beharrekoak ordainduta dituela (PZL, 449.1 art.).

Eta epai honen bidez erabaki, agindu eta sinatzen dut.

Eta Angela Zalloechevarria Olazar eta Juan Zalloechevarria Olazar demandatuei behar bezalako jakinarazpena egiteko balio dezan ematen eta sinatzen dut hau, Gernika-Lumon (Bizkaia), bi mila eta hamabosteko otsailaren hamahiruan.

IDAZKARIA.


Azterketa dokumentala