Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

44. zk., 2015eko martxoaren 5a, osteguna


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 5 ZENBAKIKO EPAITEGIA
1074

EDIKTUA, ezkontzaz kanpoko seme-alabentzako neurrietarako 673/2014 prozeduraren ondoriozkoa.

JAKINARAZPEN ZEDULA

Bilboko Lehen Auzialdiko 5 zenbakiko Epaitegian (Bizkaia), ezkontzaz kanpoko seme-alaba adingabeentzako neurriei buruzko 673/2014 prozedura bideratu da, Maria Leonor Burgos Zambranak eskatuta, Ademar Cuellar Banegasen aurka. Prozedura horren gainean epaia eman da. Hona hemen idazpurua eta epaitza, kopiatuta:

80/2015 EPAIA

Epailea: Isabel Elexpuru Eguia andrea.

Lekua: Bilbao (Bizkaia).

Eguna: bi mila eta hamabosteko otsailaren bederatzia.

Alderdi demandatzailea: Maria Leonor Burgos Zambrana.

Abokatua: Pablo Raton Ugalde.

Prokuradorea: Belen Maria Campano Muro.

Alderdi demandatua: Ademar Cuellar Banegas.

Alderdi parte-hartzailea: Fiskaltza.

Judizioko gaia: seme-alaba adingabeei dagokienez neurri ekonomikoak eta pertsonalak hartzea.

EPAITZA

Baietsi egiten dut partez Campano Muro prokuradoreak, Maria Leonor Burgos Zambranaren izenean eta ordez aurkeztutako demanda, bi seme-alaba adingaberentzako neurri pertsonalak eta mantenu-neurriak hartzeko eskatuz aurkeztutakoa, auzi-ihesean den Ademar Cuellar Banegas aitaren aurkakoa, eta Fiskaltza parte dela; hori dela eta, XXXXX eta XXXXX adingabeei dagokienez, honako neurri pertsonal eta mantenu-neurri hauek hartzea erabaki dut:

1.– XXXXX eta XXXXX adingabeen zaintza eta jagoletza Maria Leonor Burgos Zambrana amari ematen dizkiot, eta amari bakarrik ematen diot, halaber, adingabeen gaineko guraso-ahala.

2.– XXXXX eta XXXXX seme-alaba adingabeen aldeko mantenu-pentsio gisa, Ademar Cuellar Banegasek hilero hirurehun euro ordainduko ditu, hau da, ehun eta berrogeita hamar euro hilean seme-alaba bakoitzeko; kopuru hori hil bakoitzeko lehen bost egunetan ordainduko du, zaintza duen gurasoak horretarako zehaztutako kontuan. Zenbateko hori urtero eguneratuko da, Estatistika Institutu Nazionalak argitaratutako Kontsumo Prezioen Indizearen aldaketen arabera.

3.– Bien seme-alabak izaten dituzten ezohiko gastuak bi gurasoek ordainduko dituzte, erdibana, epai honen bigarren zuzenbideko oinarrian ezohiko gastuei buruz ezarritakoa aintzat hartuta.

4.– Ez da bisita-, komunikazio- eta egonaldi-erregimenik ezartzen seme-alaba adingabeen eta zaintza ez duen gurasoaren artean.

Ez da kosturik ezartzen.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Ademar Cuellar Banegas demandatuari behar bezala jakinarazpena egiteko balio dezan ematen eta sinatzen dut ediktu hau, Bilbon (Bizkaia), bi mila eta hamabosteko otsailaren hamaikan.

IDAZKARIA.


Azterketa dokumentala