Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

42. zk., 2015eko martxoaren 3a, asteartea


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA
1025

EDIKTUA, ezkontzaz kanpoko seme-alabentzako neurrietarako 404/2014 prozeduraren ondoriozkoa.

JAKINARAZPEN-ZEDULA

Bilboko Lehen Auzialdiko 6 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 404/2014 prozedura bideratu da, Wilma Via Clarosek eskatuta, Guery Favian Montañoren aurka, auziagaia hauxe zela: guraso eta seme-alaben arteko neurriak. Prozedura horren gainean epaia eman da. Hona hemen idazpurua eta epaitza, kopiatuta:

85/2015 EPAIA

Epailea: Isabel Elexpuru Eguia.

Lekua: Bilbao (Bizkaia).

Eguna: bi mila eta hamabosteko otsailaren hamarra.

Alderdi demandatzailea: Wilma Via Claros.

Abokatua: Maite Portus Saratxo.

Prokuradorea: Ana Bregel Orella.

Alderdi demandatua: Guery Favian Montaño.

Alderdi parte-hartzailea: Fiskaltza.

Auzigaia: seme adingabearekiko neurri ekonomikoak eta pertsonalak hartzea.

EPAITZA

Partez baiesten dut Bregel Orella prokuradoreak, Wilma Via Clarosen izenean eta ordez, alaba adingabearentzako neurri pertsonalak eta mantenu-neurriak hartzeko eskatuz aurkeztutako demanda, auzi-ihesean den Guery Favian Montaño aitaren aurka; eta Fiskaltza parte delarik, XXXX adingabekoari dagokionez honako neurri pertsonalak eta mantenu-neurri hauek hartzen ditut:

1.– XXXXX adingabekoaren zaintza eta jagoletza Wilma Via Claros amari ematen zaizkio, bai eta guraso-ahala esklusiboki baliatzea ere.

2.– XXXXX alabaren mantenu-pentsio gisa, Guery Favian Montañok edozein kontzepturengatik hileko jasotzen dituen diru-sarrera garbien ehuneko hogei ordainduko du. Zenbateko hori, gutxienez, ehun (100) eurokoa izango da hileko. Zenbateko hori aurreratuta sartu beharko du Wilma Via Clarosek adierazitako kontu batean, hilabete bakoitzaren lehenengo bost egunen barruan. Urtero eguneratu beharko da hileko gutxieneko zenbatekoa, betiere Estatistikako Institutu Nazionalak argitaratutako Kontsumo Prezioen Indizean izandako aldakuntzarekin bat etorriz.

3.– Alabaren ez-ohiko gastuak, halakorik bada, aitak eta amak ordainduko dituzte, erdibana, epai honen zuzenbideko bigarren oinarrian halako gastuei buruz xedatutakoa aintzat hartuta.

4.– Ez da bisita-, eta komunikazio-erregimenik ezartzen adingabekjoaren eta haien aitaren artean.

Ez da kosturik ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Guery Favian Montaño demandatuari behar bezalako jakinarazpena egiteko balio dezan, ematen eta sinatzen dut hau, Bilbon (Bizkaia), bi mila eta hamabosteko otsailaren hamaikan.

IDAZKARIA.


Azterketa dokumentala