Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

40. zk., 2015eko otsailaren 27a, ostirala


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GETXOKO LEHEN AUZIALDIKO ETA INSTRUKZIOKO 3 ZENBAKIKO EPAITEGIA
980

EDIKTUA, ezkontzaz kanpoko seme-alabentzako neurrietarako 453/2013 prozeduraren ondoriozkoa.

Getxoko Lehen Auzialdiko eta Instrukzioko 3 zenbakiko Zuzeneko Laguntza emateko Unitate Prozesala.

Judizioa: ezkontzaz kanpoko seme-alabentzako neurriak (453/2013).

Demandatzailea: Ingrid Paola Bazan Justiniano.

Abokatua: María del Carmen Vivanco Ruiz.

Prokuradorea: Paula Martinez de Pancorbo Sanchez.

Demandatua: Rolan Antezana Vallejo.

Gaia: ezkontzaz kanpoko seme-alabentzako neurriak.

Judizio horretan, epaia eman da 2015-02-09an. Hona hemen epaitza:

EPAITZA

Baiesten dut Martínez de Pancorbo Sánchez prokuradoreak Ingrid Paola Bazán Justiniano andrearen izenean eta ordez jarritako demanda, Rolan Antezana Vallejo jaunaren aurka, zein auzi-iheslaritzat jo baita ez delako agertu auzian. Horrenbestez, auzilarien hiru urteko alabarekiko guraso eta seme-alaben arteko harremanak bideratzeko neurri hauek ezartzen ditut:

– Amak izango du XXXXX alaba adingabearen zaintza eta jagoletza; guraso-ahala bi gurasoena izango da.

– Aitari ez zaio ezartzen inolako bisita-araubiderik adingabearekiko harremanetarako.

– Adingabearentzako mantenu-pentsio bat ezartzen da. Horren arabera, Antezana jaunak edozein kontzeptugatik jasotako hileko sarrera garbien % 20 ordaindu beharko du, gutxienez 100 euro, betiere. Mantenu-pentsio hori auzi-jartzaileak izendatzen duen kontuan ordaindu beharko du, aurreratuta, hilabetearen lehenengo bost egunetan; ezarritako gutxieneko zenbatekoa urtero eguneratuko da, urtarrilaren batean, Estatistikako Institutu Nazionalak edo hori ordezkatzen duen erakundeak argitaratutako Kontsumoko Prezioen Indizearen aldaketen arabera, aurreko urtea oinarritzat hartuta. Ordainketa egin ezean, legezko neurriak hartuko dira.

Ez da auzialdi honetan sortutako kostuei buruzko berariazko aipamenik egin behar.

Jakinaraz bekie epai hau alderdiei, eta aditzera eman beraren aurka apelazio-errekurtsoa aurkez dezaketela epaitegi honetan, Bizkaiko Probintzia Auzitegiari zuzenduta, epaia jakinarazi eta biharamunetik aurrera hogei eguneko epean, betiere legeak ezarritako gordailu- eta kontsignazio-betekizunak bete ondoren.

Eta nire epaia hori denez, erabaki, agindu eta sinatu egiten dut.

Argitalpena.– Epai hori, epaiari dagokion egunean jendaurreko entzunaldia egiten ari zelarik, ediktu hau eman zuen Lehen Auzialdiko Epaitegiko epaile-magistratu berberak eman, irakurri, sinatu eta argitaratu du. Fede ematen dut.

Rolan Antezana Vallejo demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Getxo (Bizkaia), 2015eko otsailaren 16a.

IDAZKARI JUDIZIALA.


Azterketa dokumentala