Euskal Herriko Agintaritzaren Aldizkaria

39. zk., 2015eko otsailaren 26a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

949

EDIKTUA, ezkontzaz kanpoko seme-alabentzako neurrietarako bideratutako 528/2014 prozeduraren ondoriozkoa.

Bilboko Lehen Auzialdiko 6 zenbakiko Epaitegia (Familia).

Judizioa: ezkontzaz kanpoko seme-alabentzako neurriak (528/2014).

Alderdi demandatzailea: Bertha Tangara Argollo.

Alderdi demandatua: Jorge Guzman Melgar.

Gaia: epaia.

Judizio horretan, ebazpena eman da; hona ebazpen horren testua, hitzez hitz:

84/2015 EPAIA

Epailea: Isabel Elexpuru Eguia andrea.

Lekua: Bilbao (Bizkaia).

Eguna: bi mila eta hamabosteko otsailaren hamarra.

Alderdi demandatzailea: Bertha Tangara Argollo.

Abokatua: Gerardo Uriarte Fernandez.

Prokuradorea: Teresa Martinez Sanchez.

Alderdi demandatua: Jorge Guzman Melgar.

Alderdi parte-hartzailea: Fiskaltza.

Auzigaia: seme-alaba adingabeekiko neurri ekonomikoak eta pertsonalak hartzea.

EPAITZA

Partez baiesten dut Martínez Sanchez prokuradoreak, Bertha Tangara Argolloren izenean eta ordezkaritzan, seme-alaba adingabeentzako neurri pertsonalak eta mantenu-neurriak hartzeko eskatuz aurkeztutako demanda, auzi-ihesean den Jorge Guzman Melgar aitaren aurka. Fiskaltzak parte hartu du. Horrenbestez, XXXXX, XXXXX eta XXXXX adingabeei dagokienez, honako neurri pertsonal eta mantenu-neurri hauek hartzen ditut:

1.– XXXXX, XXXXX eta XXXXX adingabeen zaintza eta jagoletza Bertha Tangara Argollo amari ematen dizkiot; adingabeen gaineko guraso-ahala bi gurasoek izango dute, erdibana.

2.– Jorge Guzman Melgar aitak, hileko diru-sarrera garbien % 30 ordainduko du aipatu seme-alabak mantentzeko, gutxienez 150 euro hilean. Mantenu-pentsio hori aurreratuta ordaindu beharko du, hilaren lehenengo bost egunetan, Bertha Tangara Argollo andreak horretarako adierazten duen banku-kontuan. Urtero eguneratu beharko da hileko gutxieneko zenbatekoa, betiere Estatistikako Institutu Nazionalak argitaratutako KPIk duen aldakuntzarekin bat etorriz.

3.– Bien seme-alabak izaten dituzten ezohiko gastuak, bi gurasoek ordainduko dituzte, erdibana, epai honen bigarren zuzenbideko oinarrian ezohiko gastuei buruz ezarritakoa aintzat hartuta.

4.– Bisita- eta komunikazio-araubidea eta adingabeek jagoletza ez duen gurasoarekin egotekoa, honakoa izango da, betiere gurasoek une bakoitzean beste zerbait hobea adosten ez badute:

Txandakako asteburuetan, larunbateko 10:00etatik igandeko 21:00etara.

Gabonetako, Aste Santuko eta udako oporraldiak: udako oporretan, adingabeek aitarekin egongo dira hilabetez; Gabonetako eta Aste Santuko oporrei dagokienez, bi gurasoen artean banatuko dira. Desadostasunik badago, aitak lehenik aukeratuko du urte bikoitietan, eta, amak urte bakoitietan.

Aitak amaren etxean jaso eta bueltan itzuliko ditu haur adingabeak.

Ez da kosturik ezartzen.

Aurkaratzeko modua: Bizkaiko Probintzia Auzitegiari zuzendutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau epaitegi honetako iragarki-oholean eta Euskal Herriko Agintaritzaren Aldizkarian argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2015eko otsailaren 11.

IDAZKARI JUDIZIALA.

Azterketa dokumentala