RSS
33. zk., 2015eko otsailaren 18a, asteazkena
- Bestelako formatuak:
- PDF (187 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DURANGOKO LEHEN AUZIALDIKO ETA INSTRUKZIOKO 1 ZENBAKIKO EPAITEGIA
797
EDIKTUA, ezkontzaz kanpoko seme-alabentzako neurrietarako 186/2013 prozeduraren ondoriozkoa.
JAKINARAZPEN ZEDULA
Durangoko Lehen Auzialdiko 1 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 186/13 prozedura bideratu da, Cristina Lopez Garciak eskatuta, Manuel Angel Estebanez Abella-ren aurka. Prozedura horren gainean epaia eman da. Hona hemen idazpurua eta epaitza, kopiatuta:
8/2015 EPAIA
Epailea: Leticia Badiola Perez andrea.
Lekua: Durango (Bizkaia).
Eguna: bi mila eta hamabosteko urtarrilaren hamabosta.
Alderdi demandatzailea: Cristina Lopez Garcia.
Abokatua: Manuel Graña Fernandez.
Prokuradorea: Nuria Vega Suarez.
Alderdi demandatua: Manuel Angel Estebanez Abella.
Abokatua.
Prokuradorea.
Judizioaren gaia: guraso eta seme-alaben arteko harremanen gaineko demanda.
EPAITZA
Baiesten dut Vega Suárez prokuradoreak Cristina López Garcíaren izenean eta ordez aurkeztutako demanda, Manuel Ángel Estébanez Abellaren aurkakoa, eta, horrenbestez, honako neurri hauek hartzea erabakitzen dut:
– XXXXX adingabearen zaintza eta jagoletza amari esleitzen zaio; guraso-ahala, berriz, bi gurasoek izango dute aurrerantzean ere.
– Aitak, adingabearen aldeko mantenu-pentsio gisa, hilero 300 euro ordainduko ditu, auzi-jartzaileak horretarako zehazten duen kontuan, hil bakoitzaren lehen bost egunetan. Zenbateko hori urtero eguneratuko da KPI Kontsumoko Prezioen Indizearen aldakuntzen arabera Aitak, halaber, aparteko gastuen % 50 ordainduko du. Aparteko gastutzat hartuko dira Gizarte Segurantzak estaltzen ez dituen gastu sanitarioak eta prestakuntza- eta aisialdi-jardueretara bideratutako gastuak, betiere gurasoen artean adostuta badaude. Adostasunik ez badago, ebazpen judizial bidez bideratuko da.
Ez da kosturik ezartzen.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan (4760 0000 33 018613). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Eta Manuel Angel Estebanez Abella demandatuari behar bezalako jakinarazpena egiteko balio dezan, ematen eta sinatzen dut ediktu hau, Durangon (Bizkaia), bi mila eta hamabosteko urtarrilaren hamabostean.
IDAZKARIA.
