RSS
33. zk., 2015eko otsailaren 18a, asteazkena
- Bestelako formatuak:
- PDF (192 KB - 2 orri.)
- EPUB (197 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 5 ZENBAKIKO EPAITEGIA
794
EDIKTUA, ezkontzaz kanpoko seme-alabentzako neurrietarako 533/2014 prozeduraren ondoriozkoa.
JAKINARAZPEN ZEDULA
Bilboko Lehen Auzialdiko 5 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 533/2014 prozedura bideratu da, Felicidad Andeme Obiang Eyang-ek eskatuta, Melinton Pablo Mangue Mañanaren aurka. Prozedura horren gainean epaia eman da. Hona hemen idazpurua eta epaitza, hitzez hitz:
29/2015 EPAIA
Epailea: Vanesa Murillo Villaverde.
Lekua: Bilbao.
Data: 2015eko urtarrilaren 20a.
Demandatzailea: Felicidad Andeme Obiang Eyang.
Abokatua: Eduardo Fernandez Delgado.
Prokuradorea: Maria Dolores Castro Guzman.
Demandatua: Melinton Pablo Mangue Mañana.
Fiskaltza.
Judizioaren gaia: semeari buruzko neurriak.
EPAITZA
Baiesten dut Felicidad Andeme Obiang Eyang andreak aurkeztutako demanda, auzi-ihesean den Melinton Pablo Mangue Mañana jaunaren aurkakoa, eta, horrenbestez, seme adingabeari dagokionez, honako neurri hauek hartzea erabaki dut:
1.– XXXXX seme adingabearen zaintza eta jagoletza amari esleitzen zaio; horretaz gain, guraso-ahala esklusiboki baliatzea ere esleitzen zaio.
2.– Aitaren eta seme-alaben arteko komunikazioa eten egiten da.
3.– Aitak unean-unean –lana, subsidioa edo langabezi-saria dela medio– dauzkan diru-sarrera garbien % 20 ordaindu behar dio amari, seme adingabearen mantenu modura. Nolanahi ere, hilero ordaindu beharko duen gutxieneko zenbatekoa 125 euro izango da. Aurreratuta eta hil bakoitzaren lehenengo bost egunen barruan ordainduko du, auzi-jartzaileak izendatzen duen kontuan dirua sartuz; zenbateko hori urtero eguneratu beharko da, Estatistikako Institutu Nazionalak edo hori ordezkatzen duen erakundeak argitaratutako KPIaren arabera, oinarritzat justu aurreko hamabi hilabeteak hartuz. Lehenengo eguneratzea 2016ko urtarrilaren lehenengo egunetan egin beharko da. Ordainketa egin ezean, legezko neurri egokiak hartuko dira.
4.– Gurasoek erdibana ordainduko dituzte semearen ohiz kanpoko gastuak. Halakotzat joko dira mediku-, farmazia-, optika- eta odontologia-zerbitzuek sortutako gastuak, eta Gizarte Segurantzak edo mediku-aseguru pribatu batek bere gain hartzen ez dituen gainerako medikuntza-gastuak. Halakotzat joko dira, orobat, irakasle edo tutoreek gomendatuta, ikasketa-prozesuaren indargarri eta lagungarri semeak jaso behar dituen eskola-orduen aparteko gastuak. Gainerako gastuak –aisialdiak edo eskolak eragindakoak baina premiazkoak ez direnak, eta guraso biek erabakitakoak ez badira–, egitea erabaki duenak ordaindu beharko ditu, gasturik egin bada behintzat. Nolanahi ere, bi gurasoek aho batez hartutako erabakia izan bada, erdibana ordainduko dituzte.
Beste gurasoari kontsulta egin ezin zaion urgentziazko kasuetan izan ezik, gainerakoetan, guraso bakoitzak besteari jakinarazi beharko dio seme-alaba adingabeek dituzten aparteko premien berri, eta premia horiei erantzun beharra dagoela adierazi; horretarako, kasuan kasuko agiriak helaraziko dizkio batak besteari (gastuaren zenbatekoari buruzko aurrekontua edo informazioa). Hamabost eguneko epean erantzunik ez badago, gastua onartuta dagoela ulertuko da.
Behar bezala jasota geratzeko moduan egingo dira halako jakinarazpenak.
Prozedura hau izapidetzerakoan sortutako kostuak ez zaizkio beren-beregi inori ezartzen.
Jakinaraz bekie ebazpena alderdiei eta jakinaraz bekie, halaber, bere aurka apelazio errekurtsoa jar daitekeela, Bizkaiko Probintzia Auzitegian (PZLren 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4709. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Izenpea.
Melinton Pablo Mangue Mañana demandatuari behar bezalako jakinarazpena egiteko balio dezan, ematen eta sinatzen dut ediktu hau, Bilbon (Bizkaia), bi mila eta hamabosteko urtarrilaren hogeian.
IDAZKARIA.
