Euskal Herriko Agintaritzaren Aldizkaria

24. zk., 2015eko otsailaren 5a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 4 ZENBAKIKO EPAITEGIA

552

EDIKTUA, 868/2012 zenbakiko judizio arruntaren ondoriozkoa.

Bilboko Lehen Auzialdiko 4 zenbakiko Epaitegia.

Judizioa: 868/2012 prozedura arrunta.

Demandatzailea: Iñigo Eguiluz enparantzako 1-2-3 zenbakietako jabeen erkidegoa, Ispaster (Bizkaia).

Abokatua: Jose Antonio Lozano Murga.

Prokuradorea: Idoia Gutierrez Aretxabaleta.

Demandatua: Ispaster ABEE, Construcciones Graisu, S.L., Gaz Arkitektoak, S.L., Jose Miguel Ortega Vegas eta Igor Ortega Garcia.

Gaia: zerbitzu eskasa ematea.

Judizio horretan, epaia eman da 2014-12-11n. Hona hemen epaitza:

Partez baiesten dut Idoia Gutierrez Aretxabaleta prokuradoreak Ispasterko (Bizkaia) Iñigo Eguiluz enparantzako 1-2-3 zenbakietako jabeen erkidegoaren ordez eta izenean jarri duen demanda, Ispaster ABEEren, Construcciones Graisu, S.L.ren eta Gaz Arkitektoak, S.L.ren aurkakoa. Horrenbestez, hauek kondenatzen ditut:

1) Ispaster ABEE eta Construcciones Graisu, S.L. demandatuak kondenatzen ditut modu solidarioan euren kontura egin ditzaten auzi-jartzailearen jabetzakoa den eraikinean dauden eraikuntza-akatsak eta -hutsak erabat konpondu eta kentzeko beharrezkoak diren konponketa-lanak. Horiek ebazpen honetako zuzenbideko lehenengo oinarrian daude zehaztuta, 1.2, 3, 4.1, 4.3, 5 eta 6 zenbakiekin.

2) Ispaster ABEE, Construcciones Graisu, S.L. eta Gaz Arkitektoak, S.L. demandatuak kondenatzen ditut modu solidarioan euren kontura egin ditzaten auzi-jartzailearen jabetzakoa den eraikinean dauden eraikuntza-akatsak eta -hutsak erabat konpondu eta kentzeko beharrezkoak diren konponketa-lanak. Horiek ebazpen honetako zuzenbideko lehenengo oinarrian daude zehaztuta, 1.1, 2.1 eta 2.2 zenbakiekin.

3) Gaz Arkitektoak, S.L. demandatua kondenatzen dut bere kontura egin ditzan auzi-jartzailearen jabetzakoa den eraikinean dauden eraikuntza-akatsak eta -hutsak erabat konpondu eta kentzeko beharrezkoak diren konponketa-lanak. Horiek ebazpen honetako zuzenbideko lehenengo oinarrian daude zehaztuta, 4.2 zenbakiarekin.

Kondenatutako demandatuei ez zaie egiten kostuen ezarpen zehatzik.

Halaber, ezetsi egiten dut Ispasterreko (Bizkaia) Iñigo Eguiluz enparantzako 1-2-3 zenbakietako jabeen erkidegoaren ordez eta izenean Idoia Gutiérrez Aretxabaleta prokuradoreak jarri duen demanda, José Miguel Ortega Vegas-en eta Igor Ortega García-ren aurkakoa. Horrenbestez, José Miguel Ortega Vegas eta Igor Ortega García demandatuak absolbitu egiten ditut demandaren idazkian jasota dauden uzietatik. Kostuak auzi-jartzaileari ezartzen zaizkio.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Ispaster ABEE demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2015eko urtarrilaren 8a.

IDAZKARI JUDIZIALA.

Azterketa dokumentala