Euskal Herriko Agintaritzaren Aldizkaria

21. zk., 2015eko otsailaren 2a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

SEGURTASUN SAILA

497

IRAGARKIA, Polizia eta Larrialdietako Euskal Akademiarako larrialdiei eta suteak itzaltzeari buruzko 2015eko prestakuntza-programa emateko zerbitzuaren lizitazioa (Espedientea: 030/15).

1.– Entitate esleitzailea.

a) Erakundea: Polizia eta Larrialdietako Euskal Akademia.

b) Espedientea izapidetzen duen bulegoa: Polizia eta Larrialdietako Euskal Akademiaren Kontratazio eta Aurrekontu Atala.

c) Espediente-zenbakia: 030/15.

2.– Kontratuaren xedea:

a) Xedearen deskribapena: iragarki honen idazpuruan zehaztutakoa.

b) Loteak eta kopurua: ez.

c) Gauzatzeko lekua: esleipendunaren instalazioetan, oinarri teknikoen agiriko 3.1. puntuan ezarritakoa salbuetsita.

3.– Izapideak, prozedura eta esleitzeko era:

a) Izapideak: ohikoak.

b) Prozedura: irekia.

c) Esleitzeko era: zenbait esleipen-irizpide.

4.– Lizitaziorako oinarrizko aurrekontua:

Zenbatekoa, guztira: hirurehun eta hirurogeita bost mila (365.000) euro; BEZik gabeko jarduera da.

5.– Bermeak.

Behin betikoa: lizitaziorako oinarrizko aurrekontuaren % 5.

6.– Agiriak eta argibideak:

a) Erakundea: Polizia eta Larrialdietako Euskal Akademia.

b) Helbidea: N-104 errepidea, 356. Km.

c) Herria eta posta-kodea: Arkauti 01192.

d) Telefonoa: 945 773 451.

e) Telefaxa: 945 282 362.

f) Helbide elektronikoa: contratacionappv@hsdi.ej-gv.es; aecheandia@hsdi.ej-gv.es

g) Agiriak eta argibideak eskuratzeko azken eguna: 2015eko otsailaren 19a.

7.– Kontratistaren betekizun espezifikoak: ekonomia- eta finantza-kaudimena eta gaitasun teknikoa:

Lizitatzaileek honako hauek aurkeztu beharko dituzte:

a) Finantza-erakunde batek lizitazio honetarako berariaz egindako txostena; bertan adierazi beharko da lizitazioko oinarrizko aurrekonturako (365.000 euro) kaudimena duela. Txosten horretan nahitaez agertu beharko dira espediente-zenbakia, kontratuaren xedea eta zein zenbatekorako daukan kaudimena.

b) Kontratu honen antzeko helburua duten zerbitzu nagusien zerrenda (azken hiru urteetan gauzatutakoak); horien datak, zenbatekoak eta hartzaile publikoak eta pribatuak adierazi behar dira. Gainera, horietako gutxienez hiruren gogobetetzearen eta adostasunaren ziurtagiriak erantsiko dira.

c) Baliabide materialak eta giza baliabideak atxikitzeko konpromisoa; kontratua gauzatzeaz arduratuko diren langileen izenak eta lanbide-prestakuntza adierazi behar dira. Konpromiso hori administrazio-klausula zehatzen agiriko VII. eranskineko ereduaren arabera aurkeztuko da, eta, bertan, berariazko konpromiso bat jasoko da nahitaez, hau da: berariaz adieraziko da baliabide materialek, kontratua formalizatzeko orduan, zehatz beteko dituztela preskripzio teknikoen agiriko 3. atalean ezarritako baldintzak.

8.– Esleitzeko irizpideak:

8.1.– Formulak aplikatuz automatikoki ebalua daitezkeen irizpideak: 100 puntu.

a) Eskaintza ekonomikoa (preziorik txikiena): 95 puntu.

Batez besteko prezio haztatua prestakuntza-programa osorako: irizpide hori baloratzeko kontuan hartuko dira lizitatzaileek ikastaro bakoitzerako egindako eskaintzak, prestakuntza-programa osoan horietako bakoitzak duen garrantzi ekonomikoa haztatuta, oinarri teknikoen agiriko 2. puntuan jasotako taularen arabera. Horrela, haztatutako batez besteko ekonomikoena eskaintzen duen lizitatzaileari emango zaio gehienezko puntuazioa (95 puntu), eta gainerakoei, berriz, puntuazio alderantziz proportzionala emango zaie.

Haztatutako batez bestekoa kalkulatzeko, honako formula hau erabiliko da = Honakoen batukaria (ikastaro bakoitzerako eskainitako prezioak * ikastaro bakoitzari dagokion intzidentzia ekonomikoaren portzentajea) / ikastaro bakoitzari dagokion intzidentzia ekonomikoaren portzentajeen batukaria.

Lizitatzaile bakoitzak lortutako batez besteko haztatuari honako formula hau aplikatuko zaio puntuazio proportzionala eskuratzeko: Lizitatzailearen puntuazioa = batez besteko prezio haztaturik onena / lizitatzailearen batez beteko prezio haztatua * 95.

b) Prestatzaileak/ikasleak ratioa: 5 puntu.

Formula: Puntuazioa = Lizitatzailearen eskaintza / Eskaintzarik onena (prestatzaile/ikasle batez besteko ratiorik handiena) x 5.

Ikastaro guztietan prestatzaile/ikasle batez besteko ratio handiena eskaintzen duen lizitatzaileak gehienezko puntuazioa lortuko du (5 puntu), eta gainerakoak, berriz, puntuazio alderantziz proportzionala, formula aplikatutakoan lortzen den emaitzaren arabera. Balorazioa egingo da programan sartutako 17 prestakuntza-ekintzen ratioak gehituta eta horien batez besteko aritmetikoa kalkulatuta. Horretarako, lizitatzaileek ikastaro bakoitzeko prestatzaile kopuru bat eskaini beharko dute, oinarri teknikoen agiriaren I. eranskineko fitxa teknikoetan zehaztutako ikastaro bakoitzeko ikasleen gehienezko kopurua kontuan izanda.

9.– Eskaintzak edo parte hartzeko eskabideak aurkeztea:

a) Aurkezteko azken eguna: 2015eko otsailaren 19a, 10:00ak baino lehen.

b) Aurkeztu beharreko agiriak: bi gutun-azal aurkeztu beharko dira: «A» eta «B», administrazio-klausula zehatzen orrian zehaztutako edukia dutela, eskura emanda edo administrazio-klausula zehatzen orriaren 12.3 puntuko azken paragrafoan zehaztutako eran.

c) Aurkezteko lekua:

1) Erakundea: Polizia eta Larrialdietako Euskal Akademia.

2) Helbidea: eskura aurkeztuko dira Polizia eta Larrialdietako Euskal Akademian: N-104 errepidea, 356. km; edo postaz bidaliko dira, aipatutako epean. Bidalketa posta-bulegoan zer egunetan egin zen justifikatu beharko da, eta kontratazio-organoari telex, telefax edo telegrama bidez iragarri beharko zaio eskaintza bidali zaiola. Eskakizun bi horiek betetzen ez badira, edo eskaintzak jasotzeko finkatutako epea eta ordua amaitutakoan jasotzen bada eskaintza bidali izanaren jakinarazpena, eskaintza ez da onartuko. Nolanahi ere, jakinarazpenean adierazitako egunetik hamar egun natural igaro ondoren eskaintzak jaso ez badira, ez dira inola ere onartuko.

3) Herria eta posta-kodea: Arkauti, 01192.

d) Lizitatzaileak zenbat denboraz eutsi behar dion bere eskaintzari (lehiaketa): 2 hilabete.

e) Aldaerak: ez dira onartuko.

10.– Eskaintzak irekitzea:

1) Entitatea: Polizia eta Larrialdietako Euskal Akademia.

2) Helbidea: N-104 errepidea, 356. Km.

3) Herria eta posta-kodea: Arkauti, 01192.

4) Eskaintza ekonomikoa eta formulak aplikatuz automatikoki baloratzen diren irizpideak irekitzea: 2015eko otsailaren 26a.

5) Ordua: 12:00ak.

11.– Bestelako argibideak.

Argibide administratiboak: Polizia eta Larrialdietako Euskal Akademia

Informazio teknikoa: Polizia eta Larrialdietako Euskal Akademia

12.– Iragarkien gastuak: esleipendunaren kontura izango dira.

Vitoria-Gasteiz, 2015eko urtarrilaren 22a.

Kontratazio mahaiko lehendakaria.

FAUSTINO RANEDO GÓMEZ

Azterketa dokumentala